La Union Europeane e clame dongje i citadins par resonâ in cont dal presint de Europe e soredut dal so avignî, cun chê di fâlu sù te maniere miôr.
A son chescj i intindiments de Conference sul avignî de Europe, che e je stade inviade in maniere uficiâl ai 9 di Mai stâts cul invît par ducj a notâsi te plateforme web https://futureu.europa.eu e a doprâle par presentâ propuestis e riflessions.
◆ Juste cul intindiment di promovi la cognossince e la partecipazion de bande dai citadins, la rêt dai Centris di documentazion europeane (Cde) che si cjatin intal Stât talian, e à inmaneât il progjet “La Conferenza sul futuro dell’Europa. Un nuovo slancio per la democrazia europea”, che in Friûl al è stât disvilupât, dai 31 di Mai ae fin di Jugn, cul jutori de Rapresentance in Italie de Comission Europeane, de bande dal Cde “Guido Comessatti” de Universitât dal Friûl e de cooperative Informazione Friulana, cuntun program di trê incuintris in rêt e di cinc trasmissions radiofonichis.
◆ I confronts virtuâi a son stâts fats ai 3, ai 10 e ai 24 di Jugn. Si à fevelât de “Europe dai zovins” cuntun grup di fantats dal ISIS Magrini Marchetti di Glemone e dal Liceu Percoto di Udin, de “Europe dai dirits”, cu lis juristis dal Ateneu furlan Elisabetta Bergamini e Alessia-Ottavia Cozzi, e de “Europe dai citadins”, cun Ivo Del Negro de Cjase pe Europe di Glemone, cun Francesca Gravner de Academie Europeiste di Gurize, cun Laura Zuzzi dal IRSE di Pordenon e cun Nicolas Novel e Joshua Honeycutt dal Moviment Federalist European (MFE).
◆ Inte serie di trasmissions di Onde Furlane dal titul “Europe in Divignî”, a son stadis tiradis dongje opinions e riflessions di cetancj di lôr, tacant di Claudio Cressati, docent di Storie des dotrinis politichis e responsabil sientific dal Cde ‘G. Commessatti’ dal Ateneu furlan, e rivant a esperts di cuistions europeanis tant che Pier-Virgilio Dastoli, Roberto Castaldi, Marinella Belluati, Giangiacono Vale e Giorgio Grimaldi.
◆ Lis trasmissions si cjatin in rêt (https://www.spreaker.com/show/europe-in-divigni) e i incuintris si pues tornâ a cjalâju sul canâl Youtube PlayUniUd. ❚
Tante int e partecipazion ae presentazion dal gnûf libri, “CHENTI” di Diego Navarria
Redazion
La prime des iniziativis pai 80 agns de “La Patrie dal Friûl” (1946-2026). O vin presentât ai 27 di Fevrâr tal Salon di Palaç Belgrado di Udin, il gnûf libri, “CHENTI” romanç furlan di Diego Navarria. A son intervegnûts la gjornaliste Martina Delpiccolo e il diretôr da La Patrie dal Friûl Walter Tomada, l’autôr Diego […] lei di plui +
L’EDITORIÂL / I taramots che no si viodin
Walter Tomada
“Mê mari e veve 5 agns. E ricuarde che tai dîs dopo il taramot si viveve ducj insiemi e si davin ducj une man un cul altri. E prove tenarece e displasè pe int che no je plui, ma ancje tante braùre pe fuarce dimostrade de int furlane in cheste disgracie. Mê mari si vise […] lei di plui +
Musiche furlane fuarte / “Surtùm”: il gnûf progjet discografic dal cjantautôr Massimo Silverio
Alessio Screm
Al vûl dî “palût”, “paludere”, e tal furlan di Çurçuvint si dîs “surtum”. Al è il titul dal gnûf album dal cjantautôr Massimo Silverio, artist cjargnel, musicist e autôr che al dopre la lenghe mari intune maniere dal dut particolâr. Al cjante in cjargnel, chel vecjo cjargnel imparât dai nonos e che cumò si stente […] lei di plui +
Cristina Delli Santi, la siore dal pugjilât furlan
Dree Venier
Juste maridade cul tecnic Gianluca Calligaro,e je cognossude e preseade di ducjpal so lavôr te palestre di vie Marangon Galeotto fu il ring. Vê cognossût Gianluca Calligaro, tecnic preseât de Pugjilistiche Udinese che al puarte indenant la scuele dal mestri Remo Venzo, al è stât par Cristina Delli Santi la faliscje di une relazion, saldade […] lei di plui +
Gnûf libri / I ‘haiku’ par furlan, inglês e gjaponês: la sfide vinçude di Christian Romanini
Walter Tomada
Cui che al lei “La Patrie dal Friûl” al cognos ben Christian Romanini che par cetancj agns al è stât une colone di chest gjornâl. La so ativitât a pro dal furlan no s è mai fermade e cumò e je rivade a proponi un biel model di scriture, bon di associâ la marilenghe a […] lei di plui +
Art tal tac / Pestefun, il ‘grunge’ par furlan che al fâs vibrâ e che al spache, al ven di Codroip
Moira Pezzetta
Al è un gnûf sun che al travierse il Friûl. Nol rive des planuris de Basse, ma nancje des ostariis plui imbusadis. Al è un sun ruspi, eletric, che al sgrife e al scjasse: chel dai Pestefun, tercet di Codroip che al puarte il grunge dentri de lenghe furlane. Trê i struments, trê i musiciscj, […] lei di plui +