La ARLeF – Agjenzie regjonâl pe lenghe furlane e à vût mandât di butâ jù un document che al vignarà sotscrit di istituzions, associazions e comitâts che a àn a cûr il destin dal furlan e che al sarà presentât intune assemblee publiche ae presince di ducj i parlamentârs dal Friûl.
La decision si è vude vuê sotsere te riunion indulà a àn partecipât ducj chei che a àn rispuindût al apel de ARLeF, Agjenzie regjonâl pe lenghe furlane, par cirî un percors comun cuintri lis ultimis iniziativis dal Guvier che di fat a riscjin di sbassâ il nivel di tutele di minorancis ricognossudis in Italie cun leç 482/99.
Si son incuintradis te sede de Agjenzie, la Universitât, la Provincie e la Arcidiocesi di Udin e ducj i ents ricognossûts di primarie impuartance pe tutele e difusion dal furlan.
Insiemit cul president de ARLeF, Lorenzo Zanon, ducj a son daûr a studiâ la soluzion plui juste e eficace par rivâ daurman ae aplicazion dai dirits bielzà stabilîts.
Trê i trois di tamesâ: il ricors ae Cort Costituzionâl, un apel al Consei de Europe che al vigjile su la aplicazion de Convenzion cuadri pes lenghis minoritariis, e la modifiche dal test de ratifiche de Cjarte europeane pes lenghis regjonâls ancjemò in discussion in forme plui zovevul pal alçâ il nivel di tutele.
In ultin al è stât dibatût di prontâ une azion publiche, simboliche e popolâr, par slargjâ il coinvolziment a cheste altre bataie par vie che l’obietîf al è comun a dutis lis altris minorancis.
«Si sin inacuarts purtrop che la aprovazion de 482 no je stade altri che la vitorie di une bataie e che la vuere vere si scombat ogni dî sul teren de aplicazion», al à comentât Zanon. ■
Redazion
Comunicât / Cungjò, Aureli. Nus lasse un grant omp, Aureli Argemì, che si è batût pai dirits dal popul catalan e par chei di ducj i popui minorizâts. Il comunicât in lenghe catalane e furlane.
Dree Venier
BARCELONA Aureli Argemí, fundador i president emèrit del Centre Internacional Escarré per a les Minories Ètniques i les Nacions (CIEMEN), ha mort aquest dilluns als 88 anys, segons ha informat l’entitat en un comunicat. Nascut a Sabadell el 1936 i llicenciat en teologia a Roma i París, va ser monjo de Montserrat, va formar part […] lei di plui +
Gnovis / A tornin a jessi in volum li “LETARIS AI FURLANS” di Pre Bepo Marchet
Redazion
Une biele gnove pe nestre int! A tornin a jessi in volum li “LETARIS AI FURLANS” di Pre Bepo Marchet Intune edizion curade e comentade di Davide Turello, a saran presentadis MIERCUS AI 3 DI AVRÎL aes 5 e mieze sot sere inte sale consiliâr dal Comun di Glemone No stei a mancjâ! Us spietìn! […] lei di plui +
Gnovis / Ae presentazions dal libri “Feminis furlanis fuartis”, cetant public! Graziis
Redazion
Te seste edizion de rasegne “Quando le Donne” curade da la Aministrazion Comunâl di Romans, cu la autore, Walter Tomada, diretôr de “La Patrie dal Friûl”. A Cormons ur daran acet i Amîs da Mont Quarine, cu la autore a son intervignûde Roberta Nunin, professoresse ordenarie di Dirit dal lavôr ae Universitât di Triest, e Carlotta Del Bianco, […] lei di plui +
Rassegne stampe / Articul dal Messaggero Veneto dai 15-3-2024 su la presentazion dal nestri libri “Feminis Furlanis Fuartis” di Erika Adami
RedazionL'EDITORIAL / Preâ par furlan al è onôr e no pecjât
Walter Tomada
Jo no jeri ancjemò nassût cuant che pre Checo Placerean al tacave a voltâ il Messâl par furlan. A son passâts passe 50 agns e i furlans no àn ancjemò plen dirit, pe Glesie di Rome, a preâ inte lôr lenghe. La Conference Episcopâl dai Talians e à mancjât, ancjemò une volte, di fâ bon […] lei di plui +
Gnovis / Acuile sportive furlane
Redazion
Joibe di sere aes 6 intal Salon dal Popul dal Palaç da Comun di Udin si tignarà la cerimonie di consegne de prime edizion dal premi ACUILE SPORTIVE FURLANE, un gnûf ricognossiment che al met dongje il valôr dai risultâts sportîfs ae cussience identitarie che i campions furlans di ogni sport a son bogns di […] lei di plui +