FURLANS, DIGJITAIT FURLAN. Dâ i numars in dutis lis lenghis

L’om al à imparât a contâ prin di inventâ lis lenghis stant che i numars i covetavin sei par definî i ogjets che il spazi, ma ancje il timp.
In ogni culture il sistema di cont al è diferent: o vin il sisteme cuinari, basât sul numar 5, che al è il numar dai dêts de man, o il sisteme decimâl, cun fonde il numar 10, che al ten cont di dutis dôs lis mans, che a nô nus somee il plui naturâl.
Ma par altris culturis i pararès stupit no tignî cont ancje dai dêts dai pîts!
In puescj lontans a esistin sistemis une vore diferents di chescj, dulà che i nons dai numars a deventin une vore curiôs.
Par scuvierziju si pues lâ a viodi ae direzion www.languagesandnumbers.com.
Un esempli di cjase nestre: vêso mai fât câs che par talian il numar 2 al è dome masculin e par furlan nus ven une vore facil doprâlu par masculin e par femenin? Doi oms – dôs feminis / Doi paîs – dôs citâts …
I slovens po, i dan cussì tante impuartance al 2, che no lu considerin ni singolâr ni plurâl: in sloven e je dute une declinazion particolâr pai subiets che a son une cubie, si clame duâl e in dì di vuê lu dopre in maniere limitade l’arabic, in antic lu veve il grêc e il sanscrit. ■
Michele Calligaris