SPECIÂL BIBIE – La nestre leterature

Tra la fin dal 1200 e il scomençâ dal 1300 Dante Alighieri al scrîf il De vulgari eloquentia in dulâ il professôr Pellegrini al individuèe tal sproc di Dante “ce fastu” il mût particolar di esprimisi da nestre int ta chel tôc di tiere in mans ai patriarcjîs di Aquilee, zà lenghe dal teritori, duncje.
Tal XIV secul a si cjatin tancj documents scrits par furlân, poesies, ats notarîls. Chesi ultins voltâs in furlân par fâ capî mjôr a la int ce cal jere scrit. La pui famose poesie di chel periodo a jè: Piruç myo doç inculurit, cjatât in chel di Cividât.
Intal XVI secul, al è il poete Ermes di Colorêt che al puarte indenant une sô opeare leterarie peade a la vite di chel timp in lenghe furlane, insiemit a atrîs autôrs mancul cognussus.
Tal XIX secul la poesie e prose in lenghe furlane a vegnin rapresentâs di doi autôrs in particolâr: Pieri Çorut, cun la sô famose Plovisine e Catarine Percude, che e à vût scrit une vore sul mont rurâl dal Friûl di chê volte. Ator da fin dal 1800 al ven publicât il prin vocabolari in lenghe furlane, metût a d’un dal abât Jacopo Pirona.
Tal XX secûl a son tancj i autôrs che
a doprin il furlan a alts nivei. No si po’
metiju ducj.
Al dì di vuè i scrits no mancjin, di resint Pierluigi Cappello cul sô Mandate a dire all’imperator, cun poesîs ancje par furlan, al vinç il premi Viareggio. Prime di lui ancje Pasolin tal 1957 lu veve vinçut.
(eliminabile) No mancjîn lis curiositâs tal cjamp del leterature furlane: par esempli la nomine al Nobel tal 1986- 1987 pa leteradure di pre Meni Zannier (che al à scrit un grunon in furlan), di bande de universitât di Innsbuck e di Salisburg, Austrie (no Italie). Al è ancje interessant viodi trop cal ven publicât in furlan in rapuart a ches atres leghes minorizadîs tal stât talian, e si po’ viodi come che il furlân al sedi e al resti une des lenghes pui vivaroses par iscrit.
Mauro Della Schiava