La Patrie dal Friûl e je presinte pe seconde volte tal Salon Internazionâl dal Libri di Turin cul so mensîl, l’unic in leghe furlane e cu la sô golaine “La machine dal timp” che e vegnarà presentade vuê joibe ai 18 di Mai aes 5 sore sere tal stand istituzionâl de Regjon Friûl – Vignesie Julie.
Dree Valcic e Diego Navarria, ae presince dal Vicepresent e Assessôr ae Culture e Sport Mario Anzil, a presenterân i cinc libris de golaine, iniziative editoriâl uniche tal sô gjenâr dute in lenghe furlane.
“La cuintristorie de prime vuere mondiâl 1914-1918” di Angelo Floramo, “Patriarcjis fûr dal ordenari” e “Patriarcjis tal cûr de Europe” di Diego Navarria, “Anime in crôs, scrits di pre Antoni Beline e Agnul Floramo su Pier Paolo Pasolini” par cure di Walter Tomada, “Indenant” di Andrea Valcic a saràn cussì presentâts te plui grande fiere librarie taliane e di respîr internazionâl.
![](https://www.lapatriedalfriul.org/wp-content/uploads/2023/05/86e6bd9f-828d-4aec-9384-6078365c346c-1.jpg)