Il Comun di Glemone al bandìs la XVIII edizion dal concors par assegnâ il premi leterari in lenghe furlane “Glemone îr, vuei e doman”, a teme libar.
Il concors si compon di trê sezions: la prime dedicade a un lavôr di narative pai fruts in lenghe furlane; la seconde par un lavôr di didatiche dal insegnament in lenghe furlane tes scuelis de infanzie, primariis o secondariis di prin grât; la tierce, risiervade ai fruts des scuelis primariis o secondariis di prin grât, par un test in lenghe furlane.
Ae prime sezion, vierte a ducj, si concor cuntun lavôr di narative pai fruts par furlan, a teme libar. Par cheste sezion si previodin trê premis (impuart al sporc): il prin di 500,00 €; il secont di 300,00 €; il tierç di 200,00 €.
Ae seconde sezion si concor cuntun lavôr di sengui o di grups che al rivuardi la didatiche dal insegnament in lenghe furlane tes scuelis de infanzie, primariis o secondariis di prin grât; si pues ancje considerâ une esperience za davuelte.
Ancje par cheste sezion si previodin trê premis (impuart al sporc): il prin di 500,00 €; il secont di 300,00 €; il tierç di 200,00 €.
Ae tierce sezion si concor cuntun lavôr personâl o di grup davuelt dai arlêfs des scuelis primariis o secondariis di prin grât, cul jutori di un insegnant, suntun argoment di storie o di culture furlane. Par cheste sezion si previodin trê premis (impuart al sporc): il prin di 400,00 €; il secont di 300,00 €; il tierç di 200,00 €.
I scrits a varan di jessi par furlan, inte grafie uficiâl stabilide cul decret dal President de Zonte Regjonâl dai 25 di Otubar dal 1996.
I lavôrs a varan di rivâ a cheste direzion: “Concors Glemone îr, vuei e doman”, Comun di Glemone, dentri di misdì di vinars ai 24 di Otubar dal 2014.
La Aministrazion comunâl, daûr de propueste motivade de Jurie, e podarà decidi di publicâ lis oparis premiadis o segnaladis, cu la facoltât di intervignî cun eventuâls corezions di caratar grafic e/o linguistic su la fonde des regulis de grafie uficiâl de lenghe furlane. In câs di publicazion, i dirits di autôr e di publicazion de prime edizion des oparis si intindin di proprietât dal Comun di Glemone.
La proclamazion dai vincidôrs e dai segnalâts si le fasarà inte sale dal Consei comunâl (Palaç Boton) dal Municipi di Glemone, ai 8 di Dicembar dal 2014, aes sîs sore sere.
Par altris informazions, i interessâts a puedin indreçâsi al U.R.P. sorecomunâl pe lenghe furlane de Associazion Intercomunâl dal Glemonàs, sede di Glemone, in orari di ufici (tel. 0432/973239-34).❚
Redazion
Gnovis / LA PATRIE DAL FRIÛL AL SALON DAL LIBRI DI TURIN 2026
Redazion
Dai 14 ai 18 di Mai no steit a cirînus, noaltris de “Patrie”: no sarin in Friûl, ma inaltrò.◆ No, no lìn in esili. Pal moment, jessi “furlans che no si rindin” nol è ancjemò une colpe. Salacor lu deventarà, ma pal moment o podin jessi “libars di sielzi” di lâ in “mission”. Une mission […] lei di plui +
Gnovis / Par che il popul furlan al salti fûr dal taramot cul cjâf e vîf
Redazion
Lunis ai 11 di Mai te Glesie di Sante Marie sul Cjiscjel di Udin, si è tignude la messe par ricuardâ i 50 agns dal document “Ai furlans che a crodin” cu la partecipazion dal nestri vescul bons. Riccardo Lamba che al à presiedude la celebrazion. Un grazie a lui, a bons. Luciano Nobile che […] lei di plui +
Gnovis / Par che il popul furlan al salti fûr dal taramot cul cjâf e vîf
Redazion
Lunis ai 11 di Mai a lis 18,30 te Glesie di Sante Marie sul Cjiscjel di Udin. Glesie Furlane, cun la Arcidiocesi di Udine e Clape di Culture Patrie dal Friûl a 50 agns dal taramot o volìn ricuardâ ducj i muarts e dutis chês personis che tai agns si son dadis da fâ par […] lei di plui +
GNOVIS / Il gnûf libri de Patrie: «Di scjas in scjas» di Agnul Floramo, su la storie dai taramots in Friûl. Presentazions a Majan, Pavie e Udin.
Redazion
Un libri su la storie dai taramots in Friûl nol esisteve. Il libri «Di scjas in scjas, i taramots inte storie furlane» di Agnul/Angelo Floramo al ripasse in mût clâr e cronologjic la storie dai taramots in Friûl, mostrant tant che il pericul sismic al sedi une presince costante inte nestre storie. La pene fortunade di Floramo e acompagne il […] lei di plui +
Fotografiis / Tante int e partecipazion ae presentazion dal gnûf libri, “CHENTI” di Diego Navarria
Redazion
La prime des iniziativis pai 80 agns de “La Patrie dal Friûl” (1946-2026). O vin presentât ai 27 di Fevrâr tal Salon di Palaç Belgrado di Udin, il gnûf libri, “CHENTI” romanç furlan di Diego Navarria. A son intervegnûts la gjornaliste Martina Delpiccolo e il diretôr da La Patrie dal Friûl Walter Tomada, l’autôr Diego […] lei di plui +
L’EDITORIÂL / I taramots che no si viodin
Walter Tomada
“Mê mari e veve 5 agns. E ricuarde che tai dîs dopo il taramot si viveve ducj insiemi e si davin ducj une man un cul altri. E prove tenarece e displasè pe int che no je plui, ma ancje tante braùre pe fuarce dimostrade de int furlane in cheste disgracie. Mê mari si vise […] lei di plui +