Sfuei Mensîl Furlan Indipendent
Archivi de Patrie

Par no dismenteâ: lis mostris

............

Fintremai ai 3 di Lui, alì dal cine Odeon a Udin e je la mostre Kaos 76. La notte che cambiò il Friuli e, simpri fintremai ai 3 di Lui, a Vile Manin si pues lâ a viodi Memorie- Arte, immagini e parole del terremoto in Friuli. Dividude in siet sezions, e presente la memorie dal event, dal restaur, de ricostruzion, dal don, la memorie rielaborade e chê rivisitade.
Dilunc l’Istât, un grum di mostris e di incuintris ator pai paîs: a Glemone tal mês di Lui, te suaze dal Laboratori internazionâl de comunicazion, al centenâr di zovins che a rivin di dut il mont si fasarà vivi il cuarantenâl; in Avost a Forgjarie a rivaran tancj volontaris di in chê volte; sul finî dal an a Vençon e a Glemone studiôs a frontaran ancje Lis strategjiis par superâ il stress dopo la pôre daspò di un event catastrofic.
Cence dismenteâ il museu Tiere Motus di Vençon, li che la mostre sul taramot e je permanente. ❚
✒ Ant.Fri.