IL PERSONAÇ STORIC. Valentino Presani

Valentino Presani (Udin 18.4.1788 – Udin 18.4.1861), al è forsit plui celebrât intal forest che no in Friûl, magari cussì no. Arlêf dal grant mestri Canova, al studie prime inte universitât di Bologne architeture e inzegnarie, e po dopo si perfezione a Rome. Vincidôr a Vignesie dal grant premi di architeture tal 1812 e a Rome tal 1815, al è considerât un dai plui impuartants progjetiscj de culture Neoclassiche europeane. La sô firme in Patrie e je metude sot dal progjet dal cimitieri di Sant Vît, a Udin, ma ancje in chel dal biel palaç dai studis di place Garibaldi, come dal sotpuarti de Basiliche des Graciis, simpri a Udin. Il stât cravuat ore presint i ricognòs il merit di vê trasformade la anime urbanistiche de Dalmazie costiere, dal moment che al rivarà a cuvierzi la cjarie di diretôr des publichis costruzions, impegnantsi cun estri e sapience pardabon straordenaris.
✒ Agnul Floramo