Kevin Scannell, un professôr irlandês (non gaelic Caoimhín Ó Scanaill) dal 2003 al è daûr censî i tescj publicâts su la rêt in passe 1000 lenghis “piçulis” o minorizadis.
Sul so blog indigenoustweets.blogspot.com al scrîf: «In dì di vuê i linguiscj a contin 6909 lenghis in vite, ma di chestis tropis sono presintis su internet? Dut al dipint de nature dai documents che si vûl cjapâ in esam. Cjapant dentri i studis Linguistics il numar al reste alt, tor lis 4000.»
IL SISTEME DI RICERCJE_ Il prof. Scannell al à mitût adun un motôr di ricercje che in automatic al cîr ator pe rêt dome ciert gjenars specifics di tescj come fonts pai risultâts.
Pe ricercje al à doprât i dâts de Open Language Archive Community, une organizazion di studi che a met adun i dâts di archivis linguistics di dut il mont. Ma no dome: «mi fâs segnalâ i blogs e i sîts tes diviersis lenghis par fâju zontâ ai risultâts. Te mê ricercje o vuei cjapâ dentri dome chei che o clami Tescj primaris, come gjornâi, blog, tweets, articui di Vichipedie, traduzions de Bibie.»
E cussì la lenghe furlane e risulte presinte cun 33 blogs, 5510 articui e 871806 peraulis.
Tal so blog o viodìn ancje un schemi une vore complicât dai leams di parentele fra dutis lis lenghis in esam, cun links che nus mandin al sît de organizazion internazionâl dai codis ISO pes lenghis. ISO 639 FUR al è il numar che nus fâs bati al cûr…e i tascj da lis tastieris te lenghe di Colorêt e Pasolini, ancjemò dure di copâ. ■
Michele Calligaris
Tante int e partecipazion ae presentazion dal gnûf libri, “CHENTI” di Diego Navarria
Redazion
La prime des iniziativis pai 80 agns de “La Patrie dal Friûl” (1946-2026). O vin presentât ai 27 di Fevrâr tal Salon di Palaç Belgrado di Udin, il gnûf libri, “CHENTI” romanç furlan di Diego Navarria. A son intervegnûts la gjornaliste Martina Delpiccolo e il diretôr da La Patrie dal Friûl Walter Tomada, l’autôr Diego […] lei di plui +
L’EDITORIÂL / I taramots che no si viodin
Walter Tomada
“Mê mari e veve 5 agns. E ricuarde che tai dîs dopo il taramot si viveve ducj insiemi e si davin ducj une man un cul altri. E prove tenarece e displasè pe int che no je plui, ma ancje tante braùre pe fuarce dimostrade de int furlane in cheste disgracie. Mê mari si vise […] lei di plui +
Musiche furlane fuarte / “Surtùm”: il gnûf progjet discografic dal cjantautôr Massimo Silverio
Alessio Screm
Al vûl dî “palût”, “paludere”, e tal furlan di Çurçuvint si dîs “surtum”. Al è il titul dal gnûf album dal cjantautôr Massimo Silverio, artist cjargnel, musicist e autôr che al dopre la lenghe mari intune maniere dal dut particolâr. Al cjante in cjargnel, chel vecjo cjargnel imparât dai nonos e che cumò si stente […] lei di plui +
Cristina Delli Santi, la siore dal pugjilât furlan
Dree Venier
Juste maridade cul tecnic Gianluca Calligaro,e je cognossude e preseade di ducjpal so lavôr te palestre di vie Marangon Galeotto fu il ring. Vê cognossût Gianluca Calligaro, tecnic preseât de Pugjilistiche Udinese che al puarte indenant la scuele dal mestri Remo Venzo, al è stât par Cristina Delli Santi la faliscje di une relazion, saldade […] lei di plui +
Gnûf libri / I ‘haiku’ par furlan, inglês e gjaponês: la sfide vinçude di Christian Romanini
Walter Tomada
Cui che al lei “La Patrie dal Friûl” al cognos ben Christian Romanini che par cetancj agns al è stât une colone di chest gjornâl. La so ativitât a pro dal furlan no s è mai fermade e cumò e je rivade a proponi un biel model di scriture, bon di associâ la marilenghe a […] lei di plui +
Art tal tac / Pestefun, il ‘grunge’ par furlan che al fâs vibrâ e che al spache, al ven di Codroip
Moira Pezzetta
Al è un gnûf sun che al travierse il Friûl. Nol rive des planuris de Basse, ma nancje des ostariis plui imbusadis. Al è un sun ruspi, eletric, che al sgrife e al scjasse: chel dai Pestefun, tercet di Codroip che al puarte il grunge dentri de lenghe furlane. Trê i struments, trê i musiciscj, […] lei di plui +