La Cjargne cu la biele stagjon e cambie mude: lis monts si metin in lustri metint in bande i segns dal Invier a pene passât, i boscs a cjapin fuarce cui lôr colôrs plui vîfs e fuarts, i prâts si jemplin di ogni sorte di rosis, i trois des monts a deventin la mete preferide di tancj forescj, tai paîs a rivin turiscj e emigrants che a tornin par passâ cualchi zornade di polse, lis cjasis sieradis vie pa l’an si tornin a vierzi, corts di paîs che si mudin par cualchi moment in lûc di incuintri, int che si da di fâ par tignî in pîts sagris di paîs… in sumis, si podarès dî che dut al cjape vite ca sù in mont e al pâr che par une dade la int cjargnele e metedi in bande pinsîrs, fastidis e preocupazions!
Di sigûr nol baste meti il vistît di fieste par une stagjon par dismenteâ che vivi in mont al vûl dî ancje fâ i conts, ogni dì, cun variis problematichis. Un element incisîf al è dât dal andament demografic de popolazion: il plui des voltis chei che a nassin a son mancul di chei che a murin, cence contâ chei che a àn intant bandonât la vite di mont par lâ a vivi in citât dulà che a son plui comoditâts.
Vivi in mont al coste! In cierts paisuts cui che al è cence machine al è taiât fûr parcè che nol esist un servizi di traspuart nancje par cjoli il pan e il gjornâl, par lâ dal miedi, in pueste o a scuele.
Al è di agns che si disin simpri chês robis e la situazion e reste simpri compagne.
No coventaressin propit tantis comediis par tacâ a dâ un jutori concret ae mont. Al bastarès, par esempli, vê une politiche adeguade al teritori e soredut fate di oms cun la voie concrete di fâ i interès de int (cence il podê de cjadree tal cjâf).
Une politiche che e invistissi sui zovins stimolantju a restâ intal lôr teritori di apartignince, sui comerciants (dant contribûts par tignî viertis lis buteghis tai paisuts di mont), su la int cjargnele che e vîf in mont (gjavant o calant ciertis tassis, lant incuintri cun agjevolazions pal riscjaldament, garantint servizis di traspuart public…).
Une politiche che e metedi dongje progjets concrets par miorâ la viabilitât des stradis, par tutelâ lis ricjecis dal teritori montan (ambient, risorsis naturâls, lenghe, culture, tradizions…).
Une politiche pal teritori e sul teritori, scoltant la int dal puest. E je simpri plui sintude, forsit ancje dopo i ultins cambiaments (comissariament de Comunitât Montane, privatizazion de aghe, realizazion di eletrodots…), la esigjence di vê un pont di riferiment reâl e atîf sul teritori; un ent, une istituzion, un alc che al podedi judâ a vivi, e no a murî, in mont.
Marta Vezzi
Gnovis / A tornin a jessi in volum li “LETARIS AI FURLANS” di Pre Bepo Marchet
Redazion
Une biele gnove pe nestre int! A tornin a jessi in volum li “LETARIS AI FURLANS” di Pre Bepo Marchet Intune edizion curade e comentade di Davide Turello, a saran presentadis MIERCUS AI 3 DI AVRÎL aes 5 e mieze sot sere inte sale consiliâr dal Comun di Glemone No stei a mancjâ! Us spietìn! […] lei di plui +
Gnovis / Ae presentazions dal libri “Feminis furlanis fuartis”, cetant public! Graziis
Redazion
Te seste edizion de rasegne “Quando le Donne” curade da la Aministrazion Comunâl di Romans, cu la autore, Walter Tomada, diretôr de “La Patrie dal Friûl”. A Cormons ur daran acet i Amîs da Mont Quarine, cu la autore a son intervignûde Roberta Nunin, professoresse ordenarie di Dirit dal lavôr ae Universitât di Triest, e Carlotta Del Bianco, […] lei di plui +
Rassegne stampe / Articul dal Messaggero Veneto dai 15-3-2024 su la presentazion dal nestri libri “Feminis Furlanis Fuartis” di Erika Adami
RedazionL'EDITORIAL / Preâ par furlan al è onôr e no pecjât
Walter Tomada
Jo no jeri ancjemò nassût cuant che pre Checo Placerean al tacave a voltâ il Messâl par furlan. A son passâts passe 50 agns e i furlans no àn ancjemò plen dirit, pe Glesie di Rome, a preâ inte lôr lenghe. La Conference Episcopâl dai Talians e à mancjât, ancjemò une volte, di fâ bon […] lei di plui +
Gnovis / Acuile sportive furlane
Redazion
Joibe di sere aes 6 intal Salon dal Popul dal Palaç da Comun di Udin si tignarà la cerimonie di consegne de prime edizion dal premi ACUILE SPORTIVE FURLANE, un gnûf ricognossiment che al met dongje il valôr dai risultâts sportîfs ae cussience identitarie che i campions furlans di ogni sport a son bogns di […] lei di plui +
Cungjò / Bonsignor Duilio Corgnali al è tornât ae cjase dal pari
Redazion
Al è cun profont displasè che o vignìn a savê che bonsignor Duilio Corgnali al è tornât ae cjase dal pari. O pandin dut il corot de “Patrie dal Friûl” e la ricognossince pes bataiis che un passion, inteligjence e fuarce morâl al à combatût pe int furlane e pe dignitât de nestre lenghe come […] lei di plui +