Sfuei Mensîl Furlan Indipendent
Archivi de Patrie

Il profîl di Paola Del Negro

Erika Adami

Classe 1959, di Udin, lauree in Siencis biologjichis te Universitât di Triest, specializazion in Agheculture te Universitât dal Friûl, dotorât di ricercje in Siencis ambientâls te Universitât di Triest, Paola Del Negro e je diretore gjenerâl dal Istitût nazionâl di Oceanografie e di Gjeofisiche sperimentâl – Ogs dal 2018. Prime e veve direzût la Sezion di ricercje di Oceanografie dal stes ent.
◆ Di interès particolâr al è il so coinvolziment in programs di ricercje talians e internazionâi, e in progjets europeans che le àn viodude ancje intal rûl di coordenadore. La ativitât sul cjamp si è concretizade in passe 30 campagnis oceanografichis intal Mâr Adriatic e 3 intal Mâr di Ross (Antartide).
◆ E à davuelzût une ativitât didatiche intense tant che professore a contrat di Microbiologjie marine te Universitât di Padue e titulâr dal cors estîf di Ecologjie microbiche te Universitât di Triest.
◆ Corelatore di 40 tesis sperimentâls e tutore di tancj dotorâts di ricercje, e à une produzion sientifiche e editoriâl grande e impuartante. ❚
E.A.

L'EDITORIAL / Preâ par furlan al è onôr e no pecjât

Walter Tomada
Jo no jeri ancjemò nassût cuant che pre Checo Placerean al tacave a voltâ il Messâl par furlan. A son passâts passe 50 agns e i furlans no àn ancjemò plen dirit, pe Glesie di Rome, a preâ inte lôr lenghe. La Conference Episcopâl dai Talians e à mancjât, ancjemò une volte, di fâ bon […] lei di plui +

Gnovis / Acuile sportive furlane

Redazion
Joibe di sere aes 6 intal Salon dal Popul dal Palaç da Comun di Udin si tignarà la cerimonie di consegne de prime edizion dal premi ACUILE SPORTIVE FURLANE, un gnûf ricognossiment che al met dongje il valôr dai risultâts sportîfs ae cussience identitarie che i campions furlans di ogni sport a son bogns di […] lei di plui +