LA PERAULE. Spagnolet

Si podaressial savê la origjin dal «spagnolet»?
Mandi e gracie, Vanda Fabro. Mail su Facebook
Spagnolet
Spagnoletta al è il non che si deve ai spagnolets in dute italie cuant che a son rivâts, su la fin dal Votcent: il non si riferìs ae Spagne tant che lûc di origjin dal prodot, ancje se nol è dit che al vignìs de Spagne. Dispès i prodots gnûfs a cjapin une denominazion che e rimande a une divignince esotiche (al baste pensâ al sorturc = sorc turc, che al ven de Americhe e no de Turchie, al sarasin, che nol à a ce fâ cui saracens e v.i.).
Il non spagnoletta si cjate in diviers autôrs talians de fin dal Votcent – prins dal Nûfcent e al è restât in plui varietâts talianis.
Tal furlan e je la difarence di gjenar rispiet al feminin talian, salacor par analogjie cun zigar che al è masculin (te stesse maniere par furlan si pues dî sigaret, invezit no si acete tant che tiermin just sigarete).
(Rispueste par cure di Sandri Carrozzo)
Mandait la vuestre curiositât a la nestre mail info@lapatriedalfriul.org o cuntun messaç a la nestre pagjine Facebook)