Chel di Zorç al è un non che in tancj no lu cognossin, parcé che al à simpri lavorât cidin a lis fondis de nestre Identitât, cuntune vision che e je ancjemó proietade al futûr.
“Il gno desideri al è che dutis lis cuatri comunitâts furlanis, che a son il vêr nucli dal Friûl, a sedin protetis: chê furlane, todescje, slovene e taliane.”
Al è stât tra i fondadôrs dal Moviment Friûl intal 1966, e chel che al à dissegnât la bandiere dal Friûl che cumó le viodìn par dut il mont.
“No ai inventât nuie, i ai dât une forme plui moderne in mût che la bandiere dal Friûl e sedi puartade ator da ducj i furlans”.
A cui che lu à incuintrât, i domandìn di meti un ricuart tai coments, cussì di fâlu cognossi di plui a ducj.
O sin dongje ae famee e a ducj i amîs.
Cungjò…
