In spiete dai prins proviodiments, “La Patrie dal Friûl” e stimole il GNÛF governadôr
Sanitât e Uti, cualchi propueste par rimedeâ ai erôrs de ere Serracchiani
Cumò al scomence il biel. E ancje il dificil. Dopo de galopade eletorâl vincidore che ai 29 di Avrîl e à puartât il leghist triestin Massimiliano Fedriga ae presidence de Regjon Friûl-Vignesie Julie cun ben il 57,09% di consens, puartant la Lega Nord cul 34,09% a “asfaltâ” ancje i aleâts (Forza Italia si è fermade al 12,11%, Progetto FVG al 6,29% e Fratelli d’Italia al 5,47%), cumò si vierç la fase tant plui complesse dal guvier. Fedriga stes al à segnadis lis prioritâts: corezi lis riformis plui contestadis de ere Serracchiani (sbocjade dal eletorât, che al à lassât al president candidât dal Centriçampe, Sergio Bolzonello, il 26,84% dome dai consens), vâl a dî lis Uti e la sanitât.
Su chescj temis e su lis prioritâts che a ‘nt derivin, “La Patrie” e à volût sintî trê vôs cetant sensibilis e profondis, che no àn mai mancjât di denunziâ limits e sfuarçaduris des riformis in at: l’economist Fulvio Mattioni, il sindicalist Roberto Muradore e Zaga Balog, dal Coordenament dai comitâts pal Ospedâl di Glemone.
Une ultime notazion sui risultâts eletorâi: intai bancs de oposizion, in plui dal Centriçampe e dal Movimento 5 Stelle (il president candidât Fraleoni Morgera si è fermât al 11,67%), a saran i autonomiscj furlans cul lôr tornâ storic. Il Pat pe autonomie al à totalizât di fat il 4,10% tant che liste, e il 4,40% pal president candidât Sergio Cecotti, puartant in Consei regjonâl il sindic in jessude di Merêt di Tombe, Massimo Moretuzzo, e il sindic di Tramonç Disot, Giampaolo Bidoli.
di Roberto Pensa
Tante int e partecipazion ae presentazion dal gnûf libri, “CHENTI” di Diego Navarria
Redazion
La prime des iniziativis pai 80 agns de “La Patrie dal Friûl” (1946-2026). O vin presentât ai 27 di Fevrâr tal Salon di Palaç Belgrado di Udin, il gnûf libri, “CHENTI” romanç furlan di Diego Navarria. A son intervegnûts la gjornaliste Martina Delpiccolo e il diretôr da La Patrie dal Friûl Walter Tomada, l’autôr Diego […] lei di plui +
L’EDITORIÂL / I taramots che no si viodin
Walter Tomada
“Mê mari e veve 5 agns. E ricuarde che tai dîs dopo il taramot si viveve ducj insiemi e si davin ducj une man un cul altri. E prove tenarece e displasè pe int che no je plui, ma ancje tante braùre pe fuarce dimostrade de int furlane in cheste disgracie. Mê mari si vise […] lei di plui +
Musiche furlane fuarte / “Surtùm”: il gnûf progjet discografic dal cjantautôr Massimo Silverio
Alessio Screm
Al vûl dî “palût”, “paludere”, e tal furlan di Çurçuvint si dîs “surtum”. Al è il titul dal gnûf album dal cjantautôr Massimo Silverio, artist cjargnel, musicist e autôr che al dopre la lenghe mari intune maniere dal dut particolâr. Al cjante in cjargnel, chel vecjo cjargnel imparât dai nonos e che cumò si stente […] lei di plui +
Cristina Delli Santi, la siore dal pugjilât furlan
Dree Venier
Juste maridade cul tecnic Gianluca Calligaro,e je cognossude e preseade di ducjpal so lavôr te palestre di vie Marangon Galeotto fu il ring. Vê cognossût Gianluca Calligaro, tecnic preseât de Pugjilistiche Udinese che al puarte indenant la scuele dal mestri Remo Venzo, al è stât par Cristina Delli Santi la faliscje di une relazion, saldade […] lei di plui +
Gnûf libri / I ‘haiku’ par furlan, inglês e gjaponês: la sfide vinçude di Christian Romanini
Walter Tomada
Cui che al lei “La Patrie dal Friûl” al cognos ben Christian Romanini che par cetancj agns al è stât une colone di chest gjornâl. La so ativitât a pro dal furlan no s è mai fermade e cumò e je rivade a proponi un biel model di scriture, bon di associâ la marilenghe a […] lei di plui +
Art tal tac / Pestefun, il ‘grunge’ par furlan che al fâs vibrâ e che al spache, al ven di Codroip
Moira Pezzetta
Al è un gnûf sun che al travierse il Friûl. Nol rive des planuris de Basse, ma nancje des ostariis plui imbusadis. Al è un sun ruspi, eletric, che al sgrife e al scjasse: chel dai Pestefun, tercet di Codroip che al puarte il grunge dentri de lenghe furlane. Trê i struments, trê i musiciscj, […] lei di plui +