Ingredients:
500 grams di patatis
100 grams di fasûi blancs za stâts in muel
40 grams di strut
un manel di viscje
un toc di vues di persut
un toc di vues di manç
sâl
Meti a cuei i fasûi in aghe cui vues, cuant che la aghe e tache a boli zontâ il strut.
Dopo un 40-45 minûts meti lis patatis speladis e taiadis a tocs no tant grancj e la viscje lavade e rote cu lis mans, regolâ di sâl e servî.
Notis: la viscje, par cui che no lu sa a son lis “cime di rapa”, par fâ la mignestre galiziane si puedin doprâ, daûr la stagjon, ancje i capûs.
Se si vûl une version plui lizere, e je chê di vilie, cence i vues e cence il strut e invezit cul vueli, cevole dislite e coce a tocuts.
Se si à pôre di no rivâ a cuei juscj ducj i ingredients si pues cuei i fasûi fin che a son cuets e gjavâju, dal brût, meti tal brût lis patatis e la viscje e cuant che a son cuetis tornâ a zontâ i fasûi. ❚
✒ Sandri Carrozzo
