SINERGJIE CU LA ASSOCIAZION UDINESE CLUB
Ai 2 di Lui, vie pe ultime pontade di Mondo Bianconero la trasmission dai tifôs dal Udin in onde sul canâl web dal portâl http://udineseclub.net, il responsabil dal ufici stampe de Auc Gianluca Bertozzi e il vicediretôr de Patrie dal Friûl Christian Romanini a àn presentât la sinergjie tra lis dôs redazions. Di fat, i comunicâts dal sît http://udineseclub.net a saran publicâts sedi par talian sedi par furlan. Cheste colaborazion si zonte a chês za in vore tra la nestre redazion e chês dal notiziari di Ente Friuli nel Mondo (www.friulinelmondo.com) e dal notiziari il Dono de Associazion Furlane dai Donadôrs di Sanc (www.afds.it).
