Ken Saro-Wiwa, difindi l’ambient par difindi un popul (Ogoni)
“Un scritôr nol pues jessi dome un contestoriis, un insegnant, un che al tamese lis debolecis, i mâi e i pericui de societât, ma al à di partecipâ in maniere ative a formâ il vuê e il doman de societât là che al vîf.” Cun chest spirt Kenule “Ken” Saro-Wiwa (1941 – 1995), dopo vêsi dedicât cun sucès aes ativitâts di scritôr, gjornalist e produtôr televisîf, al jere stât un dai prins a jentrâ intal MOSOP (Moviment pe Sorevivence dal Popul Ogoni).
Prime puartevôs e po president dal Moviment, Saro-Wiwa al veve vuidât une lote no violente par difindi il so popul cuintri des multinazionâls dal petroli, massime la Shell, responsabilis dal sfrutament salvadi e dal incuinament de regjon dal delta dal Nigjer, là che i Ogoni a vivin.
Cuintri des rivendicazions dai Ogoni, si veve discjadenade une campagne di violencis saborade dal guvier nigjerian e des societâts petrolifaris che e veve puartât al sassinament di miârs di personis e ae profugance di almancul 80 mil di lôr. Lis campagnis no violentis dal MOSOP a vevin però atirât la atenzion internazionâl su la cuistion. Par cidinâju, il guvier militâr de Nigjerie al veve acusât Saro-Wiwa e altris vot dirigjents dal MOSOP di jessi daûr de muart di un grup di sorestants ogoni. Dopo di un procès farse, i nûf a jerin stâts condanâts a muart e picjâts ai 10 di Novembar dal 1995.
La lote di Saro-Wiwa pai dai dirits des minorancis e cuintri dal savoltament dal ambient pal profit di pôcs e je, magari cussì no, simpri plui atuâl, ancje di chestis bandis.
CARLI PUP
Musiche furlane fuarte / “Surtùm”: il gnûf progjet discografic dal cjantautôr Massimo Silverio
Alessio Screm
Al vûl dî “palût”, “paludere”, e tal furlan di Çurçuvint si dîs “surtum”. Al è il titul dal gnûf album dal cjantautôr Massimo Silverio, artist cjargnel, musicist e autôr che al dopre la lenghe mari intune maniere dal dut particolâr. Al cjante in cjargnel, chel vecjo cjargnel imparât dai nonos e che cumò si stente […] lei di plui +
Cristina Delli Santi, la siore dal pugjilât furlan
Dree Venier
Juste maridade cul tecnic Gianluca Calligaro,e je cognossude e preseade di ducjpal so lavôr te palestre di vie Marangon Galeotto fu il ring. Vê cognossût Gianluca Calligaro, tecnic preseât de Pugjilistiche Udinese che al puarte indenant la scuele dal mestri Remo Venzo, al è stât par Cristina Delli Santi la faliscje di une relazion, saldade […] lei di plui +
Gnûf libri / I ‘haiku’ par furlan, inglês e gjaponês: la sfide vinçude di Christian Romanini
Walter Tomada
Cui che al lei “La Patrie dal Friûl” al cognos ben Christian Romanini che par cetancj agns al è stât une colone di chest gjornâl. La so ativitât a pro dal furlan no s è mai fermade e cumò e je rivade a proponi un biel model di scriture, bon di associâ la marilenghe a […] lei di plui +
Art tal tac / Pestefun, il ‘grunge’ par furlan che al fâs vibrâ e che al spache, al ven di Codroip
Moira Pezzetta
Al è un gnûf sun che al travierse il Friûl. Nol rive des planuris de Basse, ma nancje des ostariis plui imbusadis. Al è un sun ruspi, eletric, che al sgrife e al scjasse: chel dai Pestefun, tercet di Codroip che al puarte il grunge dentri de lenghe furlane. Trê i struments, trê i musiciscj, […] lei di plui +
Presentazion / Libri “Sport… che ti trai!”
Redazion
Sabide 18 di Otubar, a 11 a buinore a Çarvignan te Cjase de Musiche, “La Patrie dal Friûl” e varà un spazi intal program dal biel Festival del Coraggio che si davuelç a Çarvignan fintremai a domenie. Stant che il program di chest an al fevele di oms e feminis che a puartin indenant valôrs di […] lei di plui +
La zornade / “Stin dongje ae Patrie” 2025
Redazion
Li dai Colonos a Vilecjaze di Listize. In conclusion de rassegne Avostanis Il mont des associazions, de culture, dal spetacul, dal sport furlan si strenç intor dal gjornâl CHE DAL 1946 AL È LA VÔS DI UN FRIÛL CHE NO SI RINT. A son stâts cun nô: Tullio Avoledo, Andrea Del Favero, I “Bardi” di […] lei di plui +