Libri “Sport… che ti trai!”

Sabide che ven a 11 a buinore “La Patrie dal Friûl” e varà un spazi intal program dal biel Festival del Coraggio che si davuelç a Çarvignan fintremai a domenie. Stant che il program di chest an al fevele di oms e feminis che a puartin indenant valôrs di resilience, dedizion e sacrifici, il nestri diretôr Walter Tomada e Francesco Tonizzo a son clamâts a presentâ in anteprime la gnove iniziative editoriâl de “Patrie”, il libri “Sport… che ti tra!” che al mostre intune biele galarie i ritrats di tancj protagoniscj dal mont dal sport in Friûl che a metin dongje sucès tes competizion e braùre des lidrîs. A son i ambassadôrs vincents di un Friûl che no si rint, e di une identitât inclusive che nus fâs onôr ator pal mont.