Sfuei Mensîl Furlan Indipendent
Archivi de Patrie

ATUALITÂT – OCJO! di no fâti mâl a cjase tô

............

Dai 27 di Setembar ai 6 di Otubar si è davuelte la edizion n.55 de fiere «Casa moderna». Tra lis diviersis ufiertis dai esposidôrs, i visitadôrs a àn podût fermâsi a cognossi la ultime campagne de Aziende sanitarie n.4 che, adun cul Inail, e à realizât un stand e il materiâl di «Ocjo di no fâti mâl a cjase tô». La campagne e presente conseis e sugjeriments par evitâ i infortunis domestics. Tal depliant si lei che la cjase che o pensìn che al sedi il lûc plui sigûr di cualsisei altri, dispès invezit al è propit pericolôs. A son lis feminis a riscjâ di plui. Lis voris di cjase a son la cause plui grande di incidents: coladis, fraturis, feridis, brusaduris… Ma cemût che a disin i numars, magari cussì no (ogni an a son plui di trê milions i incidents cun plui o mancul 8.000 câs mortâi), i incidents domestics a sucedin a ducj, a son une vore di plui di chei di strade e a son la prime cause di muart dai fruts e la seconde dai anzians.
«La campagne e je plasude a la int che si è fermade e nus à domandât tantis informazions» e declare Daniela Gnesutta, de Ass.4 «Cumò e larà indevant cuntune distribuzion sul teritori ancje midiant dai miedis di medisine gjenerâl».
Redazion

L'EDITORIAL / Preâ par furlan al è onôr e no pecjât

Walter Tomada
Jo no jeri ancjemò nassût cuant che pre Checo Placerean al tacave a voltâ il Messâl par furlan. A son passâts passe 50 agns e i furlans no àn ancjemò plen dirit, pe Glesie di Rome, a preâ inte lôr lenghe. La Conference Episcopâl dai Talians e à mancjât, ancjemò une volte, di fâ bon […] lei di plui +

Gnovis / Acuile sportive furlane

Redazion
Joibe di sere aes 6 intal Salon dal Popul dal Palaç da Comun di Udin si tignarà la cerimonie di consegne de prime edizion dal premi ACUILE SPORTIVE FURLANE, un gnûf ricognossiment che al met dongje il valôr dai risultâts sportîfs ae cussience identitarie che i campions furlans di ogni sport a son bogns di […] lei di plui +

Gnovis / Brâf Agnul! La to vôs e fâs onôr al Friûl

Redazion
O saludìn cun braùre e emozion il Premi Nonino Risit d’Aur che al è stât assegnât a Agnul Floramo, un inteletuâl di gale che i letôrs de “La Patrie dal Friûl” a cognossin di agnorums in dut il valôr des sôs ideis: difat al à scrit sul nestri gjornâl centenârs di articui e cun nô […] lei di plui +