Tal numar di Març intun toc sul nestri gjornâl o vevin fat indevant dai dubis rivuart ae leç regjonâl pe tutele dai dialets dal Friûl – Vignesie Julie. Ai 16 di Avrîl stât, il Consei dai Ministris le à impugnade, daûr propueste dal Ministri pai Rapuarts cu lis Regjons, Raffaele Fitto «Diviersis disposizions» daûr dal Guvier «previodint di doprâ i dialets venits pe cartelonistiche stradâl, a stabilissin il lôr ûs esclusîf pai cartei che a ripuartin toponims e segnaletiche stradâl. Chestis normis a dan ai dialets une tutele plui largje di chê che il legjisladôr statâl al ricognòs dome a lis lenghis minoritariis che a incidin te competence statâl su la circolazion stradâl».  (ANSA/LPdF)