Sfuei Mensîl Furlan Indipendent
Archivi de Patrie

Massimo Moretuzzo

............

Pat pe autonomie

A Rome par fâ i interès dal Friûl. Vonde compromès e emoragjie di risorsis

41 agns, imprenditôr, Massimo Moretuzzo (za puartevôs dal Comitât referendari cuintri la privatizazion de aghe e cofondadôr dal Forum regjonâl pe economie solidarie e i bens comuns) e je une muse gnove pe politiche, ecetuade la sô esperience atuâl di sindic di Merêt di Tombe. Leader dal Pat pe Autonomie di Sergio Cecotti, si presente pe Cjamare pal uninominâl intal coleç di Codroip.

1. Chescj prelêfs sfuarçâts a van riviodûts in maniere pesante, ripuartantju almancul ae medie pro capite di chês altris regjons. Cumò a son cuasi il dopli. Si à di recuperâ chestis risorsis e ancje di riviodi il rapuart statutari cun Rome a pet des competencis regjonâls.

2. E va pretindude la aplicazion de normative esistente, specie su la presince des lenghis minoritariis intai mass media. Dopo e va rivendicade a Rome la competence primarie su la Istruzion e lis risorsis relativis (900 milions), fasint dal plurilinguisim e de storie locâl elements centrâi, in prospetive europeane.

3. Si à di ricognossi la gravitât de crisi in Friûl: si “lasse pierdi” masse sul fat che a son ancjemò 45 mil disocupâts. Cu lis risorsis recuperadis di Rome al va metût in vore un plan straordenari di invistiments par ricualificâ il patrimoni edilizi, pe prevenzion dal pericul idrogjeologjic e pe ricualificazion energjetiche, pe manutenzion des infrastruturis di traspuart. Si ricrearès il setôr edîl, tra chei plui massacrâts de crisi, pontant su la dimension culturâl e storiche dal Friûl e su la coesion sociâl, tornant a vitalizâ i centris storics dai nestris paîs.

4. La emigrazion zovine (14%) ca di nô e je dople di chê nazionâl (7%) e dal vicin Venit (8%). Centrâl la creazion di gnûfs puescj di vore, par esempli cu la industrie 4.0 che e permet di mantignî lis sedis decisionâls e “che a pensin” chi, ma ancje pontant su filieris produtivis locâls e inovativis che si distachin des dinamichis de globalizazion, leadis al teritori e ae economie di comunitât e solidarie.

5. Il model di disvilup al è daûr a cambiâ. L’element  fondamentâl al è la sostignibilitât. Alore il teme nol è cemût fâ costâ di mancul la energjie, magari cui mega eletrodots, ma cemût consumâ di mancul e cun sistemis di produzion e di distribuzion locâl, cemût che nus insegne la Secab in Cjargne. Ancje intune otiche di competitivitât internazionâl, il capitâl paisagjistic, ambientâl e teritoriâl al è une des cjartis plui impuartantis di zuiâ.

L'EDITORIAL / Preâ par furlan al è onôr e no pecjât

Walter Tomada
Jo no jeri ancjemò nassût cuant che pre Checo Placerean al tacave a voltâ il Messâl par furlan. A son passâts passe 50 agns e i furlans no àn ancjemò plen dirit, pe Glesie di Rome, a preâ inte lôr lenghe. La Conference Episcopâl dai Talians e à mancjât, ancjemò une volte, di fâ bon […] lei di plui +

Gnovis / Acuile sportive furlane

Redazion
Joibe di sere aes 6 intal Salon dal Popul dal Palaç da Comun di Udin si tignarà la cerimonie di consegne de prime edizion dal premi ACUILE SPORTIVE FURLANE, un gnûf ricognossiment che al met dongje il valôr dai risultâts sportîfs ae cussience identitarie che i campions furlans di ogni sport a son bogns di […] lei di plui +

Gnovis / Brâf Agnul! La to vôs e fâs onôr al Friûl

Redazion
O saludìn cun braùre e emozion il Premi Nonino Risit d’Aur che al è stât assegnât a Agnul Floramo, un inteletuâl di gale che i letôrs de “La Patrie dal Friûl” a cognossin di agnorums in dut il valôr des sôs ideis: difat al à scrit sul nestri gjornâl centenârs di articui e cun nô […] lei di plui +