Sfuei Mensîl Furlan Indipendent
Archivi de Patrie

Fondazione Friuli: 500.000 euros pes manifestazion artistichis

............


75 i progjets acetâts pal Bant Arts Senichis de Fondazione Friuli par teatri, danze e musiche, che cun chel a son stâts metûts a disposizion 500.000 euros par valorizâ la produzion artistiche locâl pal tierç an consecutîf.La Fondazion si è duncje confermade tant che un ent tra chei che plui a sostegnin lis iniziativis artistichis di ecelence dal teritori, li che al interven aromai di 25 agns.
Il stanziament al sosten iniziativis intal cjamp des arts dal vîf, tant che rapresentazions, premis o concors teatrâls o coreutics, spetacui di musiche fats dal vîf, stagjons teatrâls, musicâls o di danze. Il contribût al podeve rivâ al 35% dai coscj preventivâts e a 35.000 euros di cuote massime par ogni domande.
Destinataris dal bant, associazions e fondazions che a àn la lôr ativitât principâl tai ambits musicâl, teatrâl o coreutic, ents locâi e istitûts didatics di alte formazion in chescj setôrs.
Il progjet che al à vût plui fonts al è chel de Associazione Amici della Musica Salvador Gandino di Purcie pal XXVIII concors internazionâl Città di Porcia (25.000 euros).
Par progjets che a àn a ce fâ cu la lenghe furlane, fonts pe Associazion Teatrâl Furlane par ATF trenta fest – festival dal trentenâl de associazion teatral furlane, il Coro Panarie pal spetacul Mamui (recension sul nestri mensîl di Avost, ndr), la associazion Lenghis dal Drâc – Amîs di Onde Furlane par Falu par furlan.
✒ Redazion

L'EDITORIAL / Preâ par furlan al è onôr e no pecjât

Walter Tomada
Jo no jeri ancjemò nassût cuant che pre Checo Placerean al tacave a voltâ il Messâl par furlan. A son passâts passe 50 agns e i furlans no àn ancjemò plen dirit, pe Glesie di Rome, a preâ inte lôr lenghe. La Conference Episcopâl dai Talians e à mancjât, ancjemò une volte, di fâ bon […] lei di plui +

Gnovis / Acuile sportive furlane

Redazion
Joibe di sere aes 6 intal Salon dal Popul dal Palaç da Comun di Udin si tignarà la cerimonie di consegne de prime edizion dal premi ACUILE SPORTIVE FURLANE, un gnûf ricognossiment che al met dongje il valôr dai risultâts sportîfs ae cussience identitarie che i campions furlans di ogni sport a son bogns di […] lei di plui +