LA POESIE. Gnot di Lui (1926)

Sore il mio cjâf ce grant sflurî di stelis,
ce sflurî di memoriis tal gno cûr!
E tu, malincunie, tu mi fevelis
cun chê tô vôs tant sglonfe di lancûr.

Chestis seris di lui culì son bielis,
e mi plâs tant di piardimi tal scûr;
ma il mio pinsîr ‘l è dut un svol di velis
che là, tra cîl e mâr, si dan daûr.
Giovanni Lorenzoni (1884-1950). Nassût a Gardiscje dal Lusinç, al à vivût e studiât a Innsbruck, prime di tornâ in Italie. Al è stât il prin president de Societât Filologjiche Furlane, fondade a Gurize intal 1919. Di lui no si pues no memoreâ il bielissim viers, une vore preseât de bande di Pasolini: “vuê mi cjante une odule tal cûr”. Lis sôs poesiis a son racueltis intes oparis Vôs dal Friûl e Chest miò cûr, buride fûr postume intal 1976, par cure de SFF. Al à vût publicât ancje prosis: La Madalene e Puare Pierine.
par cure di Laurin Zuan Nardin