Sfuei Mensîl Furlan Indipendent
Archivi de Patrie

RICETE. Sope di ai

............

Timp pe preparazion: 10 minûts • Timp par cuei: 20 minûts
Ingredients par cuatri personis
200 grams di ai (miôr se chel delicât ma saurît di Resie), spongje, 1 litri di brût di verdure, 250 ml di sbrume frescje, 2 sedons di farine blancje o amit (Maizena), sâl, daduts di pan (o une pagnoche rustiche parom, di disvuedâ e doprâ tant che une scudiele)
SI FÂS CUSSÌ
Netâ ben i spîs di ai (miôr gjavant il zermuei vert che al è tal mieç)
e taçâju fins fins. Fâju indorâ te spongje cjalde, stant ben atents di no fâju brusâ o cjapâ colôr. Zontâ a nêf la farine, e planc a planc zontâ il brût cjalt (di no fâ grums), e ancje metât de sbrume. Lassâ a flame medie
par 15-20 minûts, tant che l’ai si disfi. Zontâ ae fin il rest de sbrume, regolâ il sâl e, se al covente, dâ une masanade cul mixer a imersion.
Servî tes pagnochis o cun crostins di pan brustulîts te spongje.
A disin che e sedi une recipe francese, ma in veretât al è un plat une vore mitteleuropean, presint in Friûl massime in chês zonis influençadis
dai confins cun Austrie e mont slâf. Buine par frontâ lis ultimis butadis di frêt e di ploie prime che e rivi ben ben la Vierte.
Margherita Meggy Timeus

L'EDITORIAL / Preâ par furlan al è onôr e no pecjât

Walter Tomada
Jo no jeri ancjemò nassût cuant che pre Checo Placerean al tacave a voltâ il Messâl par furlan. A son passâts passe 50 agns e i furlans no àn ancjemò plen dirit, pe Glesie di Rome, a preâ inte lôr lenghe. La Conference Episcopâl dai Talians e à mancjât, ancjemò une volte, di fâ bon […] lei di plui +

Gnovis / Acuile sportive furlane

Redazion
Joibe di sere aes 6 intal Salon dal Popul dal Palaç da Comun di Udin si tignarà la cerimonie di consegne de prime edizion dal premi ACUILE SPORTIVE FURLANE, un gnûf ricognossiment che al met dongje il valôr dai risultâts sportîfs ae cussience identitarie che i campions furlans di ogni sport a son bogns di […] lei di plui +