Sfuei Mensîl Furlan Indipendent
Archivi de Patrie

IL PERSONAÇ STORIC – Zuan Minisin

............

Zuan Minisin (Giovanni Minisini) (Buie 1887- Buie 1941) fi di Marie Schirate (n. 1866) e di Bepo (n. 1857), lavoradôr su la ferade transiberiane, al cres intal pais di Irkutsk, dongje dal lât Bajkal. Apassionât di chê gnove art che si clamave “Cinematografie”, al tache a lavorâ tant che fantat dai biliets li di A. M. Donatella, un talian emigrât in Russie par cirî fortune. Di li a pôc, bulo e intraprendent come che al jere, al vierç al numar 13 de Ulica Krasnoarmejskaja il studi fotografic “Minisini”,  destinât a deventâ par trente agns un dai plui grancj e innomenâts di dute la Siberie Orientâl. Parât vie di Stalin cun ducj i forescj daspò dal 1938, al tornarà tal so Friûl dopo vê contribuît ae nassite de culture fotografiche e cinematografiche in Siberie. ❚

L'EDITORIAL / Preâ par furlan al è onôr e no pecjât

Walter Tomada
Jo no jeri ancjemò nassût cuant che pre Checo Placerean al tacave a voltâ il Messâl par furlan. A son passâts passe 50 agns e i furlans no àn ancjemò plen dirit, pe Glesie di Rome, a preâ inte lôr lenghe. La Conference Episcopâl dai Talians e à mancjât, ancjemò une volte, di fâ bon […] lei di plui +

Gnovis / Acuile sportive furlane

Redazion
Joibe di sere aes 6 intal Salon dal Popul dal Palaç da Comun di Udin si tignarà la cerimonie di consegne de prime edizion dal premi ACUILE SPORTIVE FURLANE, un gnûf ricognossiment che al met dongje il valôr dai risultâts sportîfs ae cussience identitarie che i campions furlans di ogni sport a son bogns di […] lei di plui +