Sfuei Mensîl Furlan Indipendent
Archivi de Patrie

Schede dal libri

............

“The Best(iis) – lis miôr storiis dai Gnognosaurs” e je une racuelte di 84 pagjinis a colôrs cun dutis lis strichis (e ancje cualchidune di plui) de storie “Lis origjins” publicadis par dut chest Istât su lis pagjinis dal Messaggero Veneto. Lis strichis a vegnin fûr pe prime volte intun libri dal 2009.
Dongje di cheste a son ancje altris dôs storiis “A vore”, gjavade fûr dal tierç volum publicât tal 2012, e “Lis vacancis”, gjavade fûr dal secont volum publicât tal 2010.
La publicazion e je stade curade cun massime atenzion ancje pe grafie de lenghe furlane, grazie ae revision gjenerâl di Linda Picco, colaboradore da La Patrie dal Friûl. Cun di plui, ancje il letôr mancul sigûr cul furlan scrit nol varà dificoltât a lei parcè che tes primis pagjinis l’autôr al à realizât une vuide essenziâl des regulis de grafie uficiâl. Il libri al è finanziât cuntun contribût de ARLeF. ❚
✒ C.R.

L'EDITORIAL / Preâ par furlan al è onôr e no pecjât

Walter Tomada
Jo no jeri ancjemò nassût cuant che pre Checo Placerean al tacave a voltâ il Messâl par furlan. A son passâts passe 50 agns e i furlans no àn ancjemò plen dirit, pe Glesie di Rome, a preâ inte lôr lenghe. La Conference Episcopâl dai Talians e à mancjât, ancjemò une volte, di fâ bon […] lei di plui +

Gnovis / Acuile sportive furlane

Redazion
Joibe di sere aes 6 intal Salon dal Popul dal Palaç da Comun di Udin si tignarà la cerimonie di consegne de prime edizion dal premi ACUILE SPORTIVE FURLANE, un gnûf ricognossiment che al met dongje il valôr dai risultâts sportîfs ae cussience identitarie che i campions furlans di ogni sport a son bogns di […] lei di plui +

Gnovis / Brâf Agnul! La to vôs e fâs onôr al Friûl

Redazion
O saludìn cun braùre e emozion il Premi Nonino Risit d’Aur che al è stât assegnât a Agnul Floramo, un inteletuâl di gale che i letôrs de “La Patrie dal Friûl” a cognossin di agnorums in dut il valôr des sôs ideis: difat al à scrit sul nestri gjornâl centenârs di articui e cun nô […] lei di plui +