Il passaç dal pinsîr unic, chel che ur plaseve tant ai comuniscj, ae marcje uniche si fâs intun lamp. Se po dopo il discors al ven fûr intune fiere dal vin, al è ancjemò plui facil. Cussì la Serrachiani e à decidût di bot che par fâ publicitât al nestri vin si dovarà doprâ la etichete Friuli Venezia Giulia. Al è dibant tornâ a ripeti chê e simpri chê: dome un stupidat al pues pensâ che al sedi un “brand”, cemût che lu clamin i tecnics de comunicazion, che al funzione, che al fâs scjas. No si rive a pronunziâ, al è masse lunc, nol ten cont dal teritori. Duncje al è falât.
Ma cuant che si dîs jessi testarts: dut al à di jessi etichetât tant che “regjonâl”, cun jenfri chê peraule Giulia. Al somee che cence di chê no si rivi a fâ nuie, piês di une medisine pal mâl di cûr.
A saran contents chei che a fasin lis butiliis, anzit i butilions, parcè che a saran i unics contignidôrs dulà che si podarà picjâ sù dutis lis scritis par segnâ il non e di dulà che al ven il vin.
Va ben pe Serracchiani che di vin e cognòs dome chel roman, ma un Shaurli che al è stât sindic di Faedis, cun ce coragjo si presential te ostarie dal so paîs a domandâ un tai? Pardabon crodêso che al ordeni un Verduç Fvg? O che il non dal Picolit al deventi plui vivarôs cu la zonte de gnove scrite?
A son dutis balis, parcè che nissun al mont al crodarà mai che tal puart di Triest si tiri sù un vignâl, ma a Debora e compagnie dut chest nol interesse: par lôr, al conte dome che si feveli di une regjon uniche.
Le àn tal cjâf, e si clame cjoche ideologjiche. ❚
L’om di Buri
Gnovis / A tornin a jessi in volum li “LETARIS AI FURLANS” di Pre Bepo Marchet
Redazion
Une biele gnove pe nestre int! A tornin a jessi in volum li “LETARIS AI FURLANS” di Pre Bepo Marchet Intune edizion curade e comentade di Davide Turello, a saran presentadis MIERCUS AI 3 DI AVRÎL aes 5 e mieze sot sere inte sale consiliâr dal Comun di Glemone No stei a mancjâ! Us spietìn! […] lei di plui +
Gnovis / Ae presentazions dal libri “Feminis furlanis fuartis”, cetant public! Graziis
Redazion
Te seste edizion de rasegne “Quando le Donne” curade da la Aministrazion Comunâl di Romans, cu la autore, Walter Tomada, diretôr de “La Patrie dal Friûl”. A Cormons ur daran acet i Amîs da Mont Quarine, cu la autore a son intervignûde Roberta Nunin, professoresse ordenarie di Dirit dal lavôr ae Universitât di Triest, e Carlotta Del Bianco, […] lei di plui +
Rassegne stampe / Articul dal Messaggero Veneto dai 15-3-2024 su la presentazion dal nestri libri “Feminis Furlanis Fuartis” di Erika Adami
RedazionL'EDITORIAL / Preâ par furlan al è onôr e no pecjât
Walter Tomada
Jo no jeri ancjemò nassût cuant che pre Checo Placerean al tacave a voltâ il Messâl par furlan. A son passâts passe 50 agns e i furlans no àn ancjemò plen dirit, pe Glesie di Rome, a preâ inte lôr lenghe. La Conference Episcopâl dai Talians e à mancjât, ancjemò une volte, di fâ bon […] lei di plui +
Gnovis / Acuile sportive furlane
Redazion
Joibe di sere aes 6 intal Salon dal Popul dal Palaç da Comun di Udin si tignarà la cerimonie di consegne de prime edizion dal premi ACUILE SPORTIVE FURLANE, un gnûf ricognossiment che al met dongje il valôr dai risultâts sportîfs ae cussience identitarie che i campions furlans di ogni sport a son bogns di […] lei di plui +
Cungjò / Bonsignor Duilio Corgnali al è tornât ae cjase dal pari
Redazion
Al è cun profont displasè che o vignìn a savê che bonsignor Duilio Corgnali al è tornât ae cjase dal pari. O pandin dut il corot de “Patrie dal Friûl” e la ricognossince pes bataiis che un passion, inteligjence e fuarce morâl al à combatût pe int furlane e pe dignitât de nestre lenghe come […] lei di plui +