Sfuei Mensîl Furlan Indipendent
Archivi de Patrie

Al è vignût fûr il bant de X edizion dal concors par tescj cinematografics in leghe furlane

............

Il band de X edizion dal Concors - organizât dal CEC

Al è vignût fûr il gnûf bant de X edizion dal Concors par Tescj Cinematografics in Lenghe Furlane organizât dal CEC – Centro Espressioni Cinematografiche di Udin cul contribût de ARLeF, Provincie di Udin, Comun di Udin.
Il Concors al è dividût in cuatri sezions competitivis: une pes senegjaturis cuntun prin premi di 1.500 euros; une sezion pai articui di critiche dai films presentâts li de Mostre dal Cine 2013 (prin premi 400 euros); une sezion pai saçs di cine (prin premi 250 euros); une sezion dedicade a storiis par film (prin premi 250 euros). Par ogni sezion a son ancje previodudis segnalazions.
I lavôrs a àn di rivâ in forme anonime li de sede dal CEC in vie Villalta, 24 a Udin dentri dai 12 di Setembar dal 2014.
E sarà duncje metude adun une jurie, cun personalitâts dal mont de culture furlane, che e varà l’assum di assegnâ i premis. Dongje dai premis dal Concors, la jurie e varà ancje chê di assegnâ il premi “Mario Quargnolo” dât ogni doi agns a chei che a àn vût une part impuartante te metude adun, te difusion o te promozion dal cine in lenghe furlane.
Lis oparis premiadis e chês segnaladisa saran publicadis su la riviste di cine Segnâi di lûs.
La premiazion si fasarà li dal Visionario di Udin intune serade speciâl, cun entrade libare, intal mês di Dicembar dal 2014.
Il bant dal concors si pues cjatâ ancje in rêt intal sît www.mostredalcine.org
Par informazions: tel. 0432-299545 e mail: fabiano@cecudine.org ❚
✒ Centro Espressioni Cinematografiche

L'EDITORIAL / Preâ par furlan al è onôr e no pecjât

Walter Tomada
Jo no jeri ancjemò nassût cuant che pre Checo Placerean al tacave a voltâ il Messâl par furlan. A son passâts passe 50 agns e i furlans no àn ancjemò plen dirit, pe Glesie di Rome, a preâ inte lôr lenghe. La Conference Episcopâl dai Talians e à mancjât, ancjemò une volte, di fâ bon […] lei di plui +

Gnovis / Acuile sportive furlane

Redazion
Joibe di sere aes 6 intal Salon dal Popul dal Palaç da Comun di Udin si tignarà la cerimonie di consegne de prime edizion dal premi ACUILE SPORTIVE FURLANE, un gnûf ricognossiment che al met dongje il valôr dai risultâts sportîfs ae cussience identitarie che i campions furlans di ogni sport a son bogns di […] lei di plui +