Il Dalai Lama Tenzin Gyatso (foto wikipedia)

A metât di Mai, la vuide spirtuâl dal Tibet e torne in Friûl a distance di 5 agns. Cun chest messaç scrit di pre Roberto Bertossi, bons. di Vençon, o fasìn un apel al Primi Nobel pe Pâs 1989.

Santitât,
nus onore vêlu ospit in cheste sô seconde visite in Friûl.
O cognossìn il so grant impegn pal popul tibetan, che al reclame i dirits fondamentâi de autonomie politiche e de libertât religjose.
O cognossìn la sô testemoneance di sorestant in esili, tignût lontan de sô patrie e de sô int.
O preseìn la sô assesi spirituâl cussì ben armonizade cu la sô ativitât publiche sul plan internazionâl pe justizie, pe dignitât e pe libertât dai popui tibiâts dai prepotents e pe pâs.
Cheste letare e je ispirade unichementri dal fat che, cjalant e considerant la storie passade, resinte e il presint dal nestri popul, il popul furlan, une etnie minoritarie intal stât talian, e lis vicendis dal so popul tibetan, o viodìn che tancj aspiets nus fasin someâ e nus unissin.
Inte storie passade, fin dal 1600 il Tibet al è stât guviernât dal Dalai Lama, riferiment spirituâl e politic unic.
Ancje il popul furlan dal 1077 fint al 1420 al à vude une uniche autoritât politiche e religjose intal Patriarcje di Aquilee.
Il popul tibetan tal 1957 al à pierdude la autonomie politiche e al è stât perseguitât pe sô fede religjose.
Ancje il nestri popul, dopo sei passât sot il paron venezian tal 1420, pierdint cussì la sô autonomie politiche, al à patît une ofese insopuartabil sul plan religjôs e spirituâl cu la injuste e prepotente sopression dal milenari Patriarcjât di Aquilee. E orepresint i furlans in Italie a saran no dome une etnie minoritarie, ma ancje “minorizade”, fintant che i lôr dirits naturâi – un par ducj: la pussibilitât di esprimisi inte lenghe dal cûr –, dome in teorie e su la cjarte ricognossûts, no deventaran adimplen praticabii e no vignaran metûts in opare, seti sul plan civîl che gleseastic.
Chestis vicendis storichis e chescj aspiets che a rivuardin il rispiet de dignitât umane nus fasin sintî solidaris e in sintonie cu la sô int dal Tibet tal reclamâ cence violence e prepotence ma in maniere ferme e decise i dirits naturâi di fonde di ogni persone e di ogni popul.
Lis stessis resons che nus fasin reclamâ la libertât, la justizie e la pâs par la sô patrie, tant lontane dal Friûl, nus fasin berlâ – e o voressin fâlu ancje cu la sô vôs – ai sorestans dal stât talian e a chei de nestre regjon: “se o volês la pâs, rispietait lis minorancis, scomençant di chês di cjase nestre”.

Va indevant a lei fracant chi —->

_______

Next May the Dalai Lama will be returning to Friuli, five years after his previous visit. With this letter written by Father Roberto Bertossi, Monsignor of Venzone, we are addressing an appeal to the spiritual guide of Tibet, winner of the 1989 Nobel Peace Price.

Your Holiness,

we are very honoured to be your hosts in your second visit to Friuli.
Over the years we have become familiar with your extraordinary achievements on behalf of the Tibetan people, who have been deprived of their basic right to political autonomy and religious freedom.
We have cherished your precious testimony as an exiled head of state, forcibly separated from his homeland and fellow countrymen.
We have appreciated your spiritual ascesis, so well harmonized with your international public activity in pursuit of peace, justice, and the dignity and freedom of oppressed peoples.
This letter has been prompted by the recognition of similarities between elements in the history and present situation of the Friulian people, a minority ethnic group in the Italian state, and the history and situation of the Tibetan people.
Ever since the 17th century Tibet has been governed by the Dalai Lama who has acted as its spiritual guide and political leader. Between 1077 and 1420 Friuli was also governed by a single secular and religious authority, the Patriarch of Aquileia.
In 1957 the people of Tibet lost their political autonomy and have since been prosecuted for their religious beliefs. The people of Friuli, having lost their political autonomy in 1420 when they were conquered by the Venetians, had to suffer an intolerable offence on a religious and spiritual level through the unjust and arrogant suppression of the thousand-year-long Patriarchate of Aquileia.
Friulians will remain confined in a position of “minoritized” ethnic group within the Italian state until their natural rights (such as the possibility to express themselves in their native language), which are now only nominally protected, can be effectively enjoyed on both a social and a religious level.
Because of these historical events and of our determination that human rights and dignity should always be fully respected, we are sympathetic to the people of Tibet and support them by asking – without violence and arrogance but with firmness of purpose and resolve – that every person and every people be entitled to their fundamental natural rights.
The same reasons that are prompting us to invoke freedom, justice and peace for your distant country are also making us cry out to the Italian government and to our local politicians (and we are asking your permission to do it also in your name), “if you want peace, then be respectful of minorities, beginning with those at home”.

_______

A metà maggio, la guida spirituale del Tibet ritorna, dopo cinque anni, in Friuli. Con questo messaggio di don Roberto Bertossi, monsignore di Venzone, rivolgiamo un appello al Premio Nobel per la Pace 1989.

Santità,
siamo onorati di averla ospite in questa sua seconda visita in Friuli.
Conosciamo il suo grande impegno a favore del popolo tibetano, che rivendica i diritti fondamentali dell’autonomia politica e della libertà religiosa.
Conosciamo la sua testimonianza di capo di governo in esilio, allontanato dalla sua patria e dalla sua gente.
Apprezziamo la sua ascesi spirituale così ben armonizzata con la sua attività pubblica sul piano internazionale per la giustizia, per la dignità e libertà dei popoli oppressi dai prepotenti e per la pace.
Questa lettera è ispirata unicamente dal fatto che, guardando e considerando la storia passata, recente ed attuale del nostro popolo, il popolo friulano, un’etnia minoritaria nello stato italiano, e le vicende del suo popolo tibetano, vediamo che sono molti gli aspetti che si assomigliano e ci accomunano.
Nella storia passata, fin dal 1600 il Tibet è stato governato dal Dalai Lama, riferimento spirituale e politico unico.
Anche il popolo friulano dal 1077 al 1420 ha avuto un’unica autorità politica e religiosa nella figura del Patriarca di Aquileia.
Il popolo tibetano nel 1957 ha perso l’autonomia politica ed è stato perseguitato per la sua fede religiosa.
Anche il nostro popolo, dopo essere passato sotto il dominio veneziano nel 1420, perdendo così la sua autonomia politica, ha patito un’offesa insopportabile sul piano religioso e spirituale con l’ingiusta e prepotente soppressione del millenario Patriarcato di Aquileia. Ora i friulani in Italia saranno non solo un’etnia minoritaria, ma anche “minorizzata”, finché i loro diritti naturali – uno per tutti: la possibilità di esprimersi nella lingua del cuore –, riconosciuti solo teoricamente e sulla carta, non diventeranno pienamente praticabili e non saranno effettivamente attuati sul piano civile come su quello ecclesiastico.
Queste vicende storiche e questi aspetti che riguardano il rispetto della dignità umana ci fanno sentire solidali e in sintonia con la sua gente del Tibet nel reclamare senza violenza e prepotenza ma in maniera ferma e decisa i basilari diritti naturali di ogni persona e di ogni popolo.
Le stesse ragioni che ci fanno reclamare la libertà, la giustizia e la pace per la sua patria, tanto lontana dal Friuli, ci fanno urlare – e vorremmo farlo anche con la sua voce – ai governanti dello stato italiano e a quelli della nostra regione: “se volete la pace, rispettate le minoranze, iniziando da quelle di casa nostra”.

EDITORIÂL - La int e je strache dai partîts, ma scombatìn la malfidence / VIERTIDURE – Tra lis tendis cui predis / La vôs di In uaite / Union Popolâr Furlane / DI BESSÔI - TERITORI. Par un reâl disvilup sostenibil, prin che al sedi masse tart / TERITORI. La Rêt come “gnove Vicinie” / POLITICHE. Scjassade te Lega Nord / Cungjò dotôr Sergio Cadorini / IL SIVILOT. Chei che a vuelin dividi il Friûl / FRIÛL FUR DAL FRIÛL. Cu lis mans, cul cûr e cul cjâf / Marilenghe materie curicolâr? Sì, ma si à di fâ di plui / TV FRIÛL E CJANÇONS. La isule dai furlans / GLESIE FURLANE - IL FERÂL. I dîs de memorie / Preiere dai 3 di Avrîl / MEDITANTLIS TAL SO CÛR. Ploie e comozion / GRIGNEI DI STORIE. Une culture cressude modon su modon / INTERNAZIONÂL. Letare a Tenzin Gyatso, XIV Dalai Lama / FRIÛL EUROPE. Une date simbul / LADINIE. La informazion stampade / SLOVENIE. Cost de benzine, un probleme ancje di là dal clap / AUSTRIE. La glesie catoliche e comemore i slovens parâts fûr de Carinzie / FURLANS, DIGJITAIT FURLAN. Un portâl pe nestre Bibie / ART-Â. Ce fâ di Vile Manin? / TELEVISION. La tô lenghe, la tô tiere / Domandait “La fabriche dai predis” / MUSICHE. Festival de cjançon furlane  / MUSICHE. Kistalè / CJARGNE. La dipendence des machinutis / CJARGNE VIVE. Sul fîl tra inovazion e tradizion / CUSINE. Fedêl ae linie… ma la “linie” parcè? / LA FABRICHE DAI… LIBRIS. “Fasiti predi e rangjiti” 37 agns dopo / Renato Jacumin, Bassilla, Udin, 1979 / Friûl tradît / CONTECURTE. Conte di peraulis muartis 3 / RIFLESSION – 4. Identitât e universalitât inte Bibie / BIBIE. Di Diu e di un popul / MUSEUS. Tiere Motus, no un museu ma une mostre permanente /

*** I articui a son disponibii fracant sul titul. Buine leture.

di SANDRI DISUALD

La pagjine principâl dal sît

Ai 27 di Mai il teatri Gjovanin di Udin al ospitarà l’event “Bibie par un Popul”, metût in pîts di Glesie Furlane cul jutori de ARLeF e in colaborazion cu la Arcidiocesi di Udin e la Provincie di Udin (viôt ancje a pagjine 29). Vie pe serade al vignarà presentât ancje un gnûf portâl che al rindarà dispunibile sei il test sacri che la storiche leture contine de Bibie par furlan, davuelte l’an passât li dal Oratori de Puritât di Udin. La struture dal sît e je une vore direte: si puedarà sgarfâ i libris che a componin la Bibie un par un viodint il test e/o cjalant la regjistrazion video cu la leture. Navigant dentri dal sît si pues cjatâ fûr duncje il propri non e il propri test, une biele sodisfazion par chei che a àn vût la fortune e il plasè di partecipâ a chel storic event. Lant indenant o vin une pagjine di informazions su la Bibie e su la leture continue, une galerie di fotografiis e un spazi di rassegne stampe. La grafiche, realizade dal nestri grafic Pier Antonio Zanini cul disvilup tecnic di Andrea Musi, e je une vore biele, il sfont al è di un simbolic colôr aur: la tinte che ta lis iconis al ven doprât par rapresentâ un spazi che nol aparten al mont teren e ancje un materiâl che pai ebreus al aparten a la divinitât. In zonte a chest articul a cjatais in anteprime une imagjin da la pagjine la pagjine di benvignût al sît, dulà che si pues viodi une miniature cjapade dal antîc Salteri di S. Elisabetta conservât al Museo di Cividât.
Il sît dut câs al sarà in funzion dai 27 di Mai ae direzion www.bibie.org.
Par intant si puedin za viodi i filmâts de regjistrazion de leture continue sul canal YouTube di Glesie Furlane, ae direzion www.youtube.com/user/BibieGlesieFurlane.■

Michele Calligaris

Otto tal so studi (foto Martina)

Cuâl isal il cuadri tipic dal Friûl? Domande dificile, ognidun di nô al darà une rispueste difarente come che son difarentis lis varietâts de lenghe furlane di paîs in paîs. Portofino al à il so golfut cu lis cjasis coloradis, Piran i tramonts su lis salinis di Sicciole, Rovigno batanis e abitazions che a vegnin sù dretis dal mâr, Vignesie puints e canâi, la Austrie e la Svuizare lis malghis cui prâts. In Friûl si pues cjatâ dut chest e no dome. O sin une tiere di grancj pitôrs astrats, ma nol mancje un gjenar dut particolâr, “nestri”, familiâr, intim ma coletîf, di une impuartance storiche e antropologjiche straordenarie.
REALISIM NESTRI_ Otto D’Angelo, classe 1923, al è dal sigûr il plui grant esponent di chest stîl “nestri”, un fotograf su tele che cu lis sôs pineladis nus cjante cun realisim la vite dai prins 60 agns dal 1900. Otto al à passade la sô infanzie a Sunviele a cjaval di dôs vueris mondiâls, che insiemit ai muarts a àn soterât, cuntune velocitât mai riscuintrade te storie de umanitât, la culture agricule di dut l’Ocident. Otto al à timp par stampâsi tal so cjâf senis e situazions, vicendis e colôrs che tal zîr di une gjenerazion si saressin confinâts tes fotografiis in blanc e neri o tai ricuarts dai vons. A diference di tancj, la piture par Otto e je stade un mistîr fin di zovin.
EMIGRANT ANCJE LUI_Partît pe Francie za tal 1946 al à vude une cariere impuartante tal mont dai fumuts (si pues dî che al è stât il prin di une lungje tradizion furlane che e dure inmò vuê), tai romanç ilustrâts (Boléro, Intimité) precursôrs dai “fotoromançs”. Interessantis a son stadis ancje lis cuviertinis dai romançs “Casanova”, “Quo vadis” voltâts dal talian al francês, o, tal sport ilustrât, lis sôs innomenadis “cronachis dissegnadis” su la riviste “France Futbal”, come che a son ventadis famosis simpri in cjamp sportîf in Francie lis sôs pituris murâls di grandis dimensions.
DI GNÛF IN PATRIE_Tal 1958 Otto al torne e si ferme in Friûl dulà che a Udin al vierç un dai prins studis publicitaris che al progjetarà etichetis, manifescjm cjartis topografichis ancjemò dopradis e preseadis. Famosis a son lis etichetis des scjatis di persut di S. Denêl, i manifescj de sagre dai mus di Feagne, lis publicitâts pes cantinis sociâls e lis monts che si puedin cjantâ suntune vore di cjartis Tobacco.
Ancje in Friûl Otto nol sbandone il mont dal “patinât”, lis sôs “pituris dal vêr” a deventaran cussì innomenadis che Olivero Noschese in visite a Udin si fasè compagnâ li dal nestri pitôr par fâsi fâ un ritrat, o come ancje bramât des fantatis al jere un concors di bielece che al veve come prin premi la esposizion dal propri ritrat firmât “Otto” tes vetrinis des buteghis plui a la mode.
LA PITURE DE MEMORIE_ Dal 70 in ca la svolte, e rive la piture dai ricuarts, lis telis de storie. Otto al scomence cul dissegnâ la place di Sunviele prime de vuere par no fermâsi plui fasint tornâ a vivi cjantons, sueis, cusinis, stalis, cjamps, trois, canâi, musis strachis, feminis che a dan di tete ai fruts, morôs contents, emigrants che a partissin par cuissà dulà e tantis altris esperiencis dal nestri Friûl. I paisaçs e lis storiis di vite vivude di Otto a van di une bande a di chê altre dal Friûl, da la Cjargne al mâr, di Gurize a Cordenons e i siei cuadris a son sparniçâts ator pal Mont, dal Canadà a la Francie, dai Usa a la Cine.
Il sucès des oparis di Otto al è grandonon tai fogolârs dai emigrants e pai lôr disssendents, parcè che i siei colôrs a fasin tornâ sù i ricuarts plui lontans, lis visions di paîs baratadis par simpri dal boom economic e dal taramot.
Cui che al cjale un caalis di Otto al vierzarà un biel libri di storie contemporanie, cui che al larà a viodi une sô mostre (la prossime e je a Cjavàs, cjalait il box ta cheste pagjine, ndr) al cjacararà cuntun brâf antropolic, cui che al incuintrarà il nestri pitôr, ancje dome par pocjis oris, al varà la furtune di assisti a une rare lezion di vite, a une infornade colorade di passion e si puartarà a cjase testemoneancis che a riscjin di jessi dismenteadis par simpri. ■

Daniele Martina

Al sarà stât un parcè che di chestis elezions i partîts no fevelavin plui di tant, cuasi che a fossin une robe secondarie e fastidiose. O crôt! A vevin pôre di cjatâsi di front a ce che pardabon al è sucedût. La int e je lade a votâ une vore di mancul, ancje se o savìn che lis aministrativis a son plui dongje ai interès de int e viodi cui che al sarà il sindic dal paîs al pues ancje dâ un sburt in plui par lâ a votâ.
Il Friûl, ta chest “zîr” chi, al à vinçude la maie colôr di rose: la int e je strache di peraulis, no si fide plui di nissun, nancje di chel dongje cjase che si presente in liste. Si domande parcè che si met in mostre, e viodût che la politiche e je dute une porcarie e si fâs dome i siei interès, e pense che daûr al à di jessi sigûr cualchi vantaç personâl e di bêçs.
Cheste maniere di rasonâ e je un ben e un mâl tal stes timp.
Tal prin câs e mostre la distance tra un popul e i partîts, tal secont e puarte a une sfiducie plene tal podê gambiâ la situazion. Cussì al è simpri cualchidun pront a sberlâ che “si à di fâ la rivoluzion”, ma a son chei che po dopo si tirin indaûr par prins, cence contâ che lis rivoluzions no son un gustâ di gale, ma a puartin dolôrs e faturis.
O crôt che pai furlaniscj nol sedi avonde par cjapâ note di cheste situazion: par noaltris al pues ancje someâ che se e cres la fote pai partîts, a son simpri partîts talians che a pierdin la fiducie de int. Ma stin atents che se invezit la malfidence e cres tai confronts de politiche, intinudude tant che aministrazion dal ben comun, ancje noaltris o sin dal gjat.
Eh sì, parcè che la nestre propueste sul doman dal Friûl no pues jessi ni dome storiche o culturâl, ma di chestis fondis al à di cjapâ fuarce un progjet di autoguvier. E ce isal di plui politic, di rivoluzionari che cheste prospetive?
Al sarès di fevelâ di cualchi sfuarç di puartâ la acuile furlane ancje tes schedis di chestis elezions.
Rispiet pes sieltis, ma ancje la onestât di ricognossi che il risultât al è stât une vore deludent. No si à di fermâsi par chest, ma scomençâ a pensâ a lis regjonâls de prossime Primavere.
Dificil, cualchidun al dîs impussibil: viodêso altris stradis che no sedin dome chê di fâsi incjantâ di cualchi gri talianot? ■

Dree Valcic

Il Dvd cu la interviste di pre Antoni

Domenie ai 22 di Avrîl a Vençon si ricuardarâ pre Antoni Beline, tal cuint aniversari de muart.
L’apontament al è aes 5 dopomisdì li de cjase dulà che al è nassût e dulà che e vignarà metude une targhe comemorative.
Po dopo, te sale Bertrant, dongje dal Domo si presentarà il DVD realizât di VideoTeleCarnia par cont di “La Patrie dal Friûl” e “Glesie Furlane”: La Fabriche dai Predis, videointerviste di pre Antoni Beline in ocasion de presentazion dal libri, publicât tal 1999.
La serade si sierarà in Domo aes 6 e mieze cu la Messe par pre Antoni Beline, o come che lu cognossevin a Vençon, pre Pieri Massangat.

Domenica 22 aprile a Venzone (UD) si ricorderà pre Antoni Beline, nel quinto anniversario della sua scomparsa.
L’appuntamento è per le 17.00 presso la sua casa natale dove verrà scoperta una targa commemorativa.
In seguito, presso la sala Bertrando, accanto al Duomo, si presenterà il DVD realizzato da VideoTeleCarnia per conto di “La Patrie dal Friûl” e “Glesie Furlane”: La Fabriche dai Predis, videointervista a pre Antoni Beline in occasione della presentazione del libro, pubblicato nel 1999.
La serata si concluderà in Duomo alle 18.30 con la Messa per pre Antoni Beline, o come lo chiamavano a Venzone, pre Pieri Massangat.

Ancje chest an, cu la declarazion dai redits tu puedis dâi une man
a «La Patrie dal Friûl» il mensîl dut in marilenghe dal 1946.
Nol coste nuie: baste meti il numar 01299830305
te casele juste e firmâ la destinazion dal 5 par mîl.
LOTANT PAR UN FRIÛL PLUI FURLAN, TU STÂS MIÔR ANCJE TU

GIORGIO CAVALLO

Venusia Dominici

Tal 336 p.C., a la etât di 20 agns, Alexandros, daspò jessi stât proclamât Re dai Macedons (Baseleùs Makedónon) al partìs cuntun esercit di 30.000 soldats e 4.500 cavalîrs par scombati i persians. In dîs agns di vueris al concuiste la Anatolie, la Palestine, l’Egjit, la Assirie Babilonie, la Persie e dutis chês altris satrapiis fin che al è rivât in Indie. Daspò vê passât l’Indo al à cirût di rivâ al Gange ma i siei soldâts si son stufâts di scombati e no àn volût plui lâ indenant.

Tal 324 p.C. al è tornât a Susa, indulà che al à riorganizât l’esercit e insiemit ai tancj aristocratics macedons al à sposât principessis persianis (Alexandros al à sposât la fie di Artaserse III e la fie di Dario III). Dut chest al da lûc a un grant malstâ de bande dai macedons e a la fin, intal 323 p.C., Alexandros al mûr daspò un licôf, forsit invelenât (323 p.C.).

L’imperi di Alexandros al ven dividût tra i siei gjenerâi, ma la idee di une difusion in dut il mont cognossût de culture e de lenghe greghe si è bielzà realizade. In dutis lis citâts si formin liceus, indulà che i zovins a fasin gjinastiche e a studiin filosofie e leterature. Dapardut si fasin sù teatris e si rapresentin lis comedis e lis tragjediis greghis.

Alexandros al samee che nol fos plui di tant interessât a la cuistion universalistiche. A man a man che al leve indenant concuistant gnovis tieris, i soldâts grêcs e macedons a deventavin simpri plui vecjos e stufs di scombati. Duncje, al à scugnût prime doprâ mercenaris e a la fin fâ jentrâ intes falangjis macedonis zovins persians. A chel pont, la assemblee dai vuerîrs che i garantive di jessi Re no jere plui chê dai macedons ma e jere plui universâl. Duncje Alexandros nol jere plui dome re dai Macedons, hegemon dai Grêcs o sucessôr dai Achemenidis ma si jere bielzà autoproclamât: “fi di Zeus” (come Dionisi) e “Theós Aníketos”: Diu Invincibil!. (al va indevant) ■

Franc Fari - de Universitât dal Friûl

di GIULIANA PELLEGRINI