par un Friûl plui furlan
La patrie dal Friul

Archive for the ‘LA CUINTRISTORIE DE OCUPAZION VENEZIANE’


LA CUINTRISTORIE DE OCUPAZION VENEZIANE. CE SUCEDEVIAL IN CHÊ VOLTE TAL MONT? La Ingletiere sdrumade di doi secui di vuere

Ancjemò une grampade di agns e la grande contraposizion tra France e Ingletiere, chê vuere tremende durade plui di cent agns (1337-1453), si sarès fermade, metint un pont di fin, sul calendari, ae Ete di Mieç. Cussì, il 1453 al rapresente une date impuartante che e segne la nassite dal stât nazionâl inglês. O almancul [...]

LA CUINTRISTORIE DE OCUPAZION VENEZIANE - CE CHE O VIN PIERDÛT. La disubidience civîl e armade dai furlans cuintri dal Leon

Tes cjartis de Serenissime si cjate la memorie
de Resistence de Patrie,
che i sbirats venits a cirivin di reprimi
La dominazion di Vignesie (1420-1797) e fo la cause di une situazion di conflitualitât estreme tra lis cjasis nobiliârs furlanis e lis comunitâts citadinis, tant che i plui di trê secui dal Leon a rapresentarin un sfaldament progressîf [...]

LA CUINTRISTORIE DE OCUPAZION VENEZIANE. CE SUCEDEVIAL IN CHÊ VOLTE TAL MONT? La corone imperiâl di simpri peade al Friûl

Inte nestre ricognizion gjeopolitiche no vin ancjemò cjapât in considerazion la corone Imperiâl. E jere nassude di chê antighe semence poiade di Carli il Grant, inte famose gnot di Nadâl dal 800. Inte organizazion dai teritoris, l’antîc ducât Langobart dal Friûl al sarès deventât tiere di marche (di confin), rezude di un marchês. Tant che [...]

LA CUINTRISTORIE DE OCUPAZION VENEZIANE - CE CHE O VIN PIERDÛT. I trê feuts scjampâts al control de Serenissime

Il Patriarcje al mantignì il control su Aquilee,
San Vît e San Denêl
Il teritori furlan sotan de Dominante al è stât crevât intune rêt complicade di jurisdizions, aministrazions feudâls, comunitâts e privileçs gleseastics, tignûts insiemi di une rêt ingredeade, un glimuç che al tindeve a formâ grops dûrs di disfâ, e soredut cuntun profîl a tacons [...]

LA CUINTRISTORIE DE OCUPAZION VENEZIANE. CE SUCEDEVIAL IN CHÊ VOLTE TAL MONT? Eremitis, iconis e torments de Grande Mari Russie

Il secul XV al è di impuartance straordenarie pe storie de Russie e in particolâr pe citât di Mosche. Lis popolazions che si son insediadis su lis rivis de Moscove a vivin une ete di straordenarie inspirazion culturâl e, massimementri, spirituâl. La religjositât si anime di un moviment radicâl, chel definît dai eremitis: profetis, induvins, [...]

LA CUINTRISTORIE DE OCUPAZION VENEZIANE - CE CHE O VIN PIERDÛT. La eroiche resistence de comunitât di Prate

Cussì Vignesie e à mudât une tiere di incuintri
intal so confin periferic plui margjinâl

Jenfri dutis lis comunitâts furlanis, chê di Prate e dimostre une capacitât di resistence straordenarie, tant che ai 23 di Setembar dal 1419 lis trupis dal gjenerâl comandant dai Venezians Arcelli a vegnin blocadis propit de resistence eroiche di chest cjistiel, difindût [...]

LA CUINTRISTORIE DE OCUPAZION VENEZIANE. CE SUCEDEVIAL IN CHÊ VOLTE TAL MONT? Lis Flandris, tiere di libertât la che la lenghe e dissegne i cunfins

Une regjon straordenarie. I studiôs nus contin che i siei confins gjeografics a son dissegnâts plui de lenghe che no dal paisaç, e cheste imagjin e je pardabon potente, parcè che nus fâs preseâ la fuarce di une culture che e delimite la suaze di une identitât. Ma par vê almancul une idee de sô [...]

LA CUINTRISTORIE DE OCUPAZION VENEZIANE - CE CHE O VIN PIERDÛT. Il dopli zûc dai Savorgnan, che a difindevin Udin e a judavin Vignesie

La famee di siôrs che e à pesât di plui
te colade dal Patriarcjât
Al jere di tant timp che la famee dai Savorgnans e veve prestade la sô fedeltât e ancje, in plui di cualchi ocasion, la sô spade a Vignesie, fasint cubie cun jê par che al colàs il Patriarcjât filoimperiâl. La sperance e jere [...]

LA CUINTRISTORIE DE OCUPAZION VENEZIANE. CE SUCEDEVIAL IN CHÊ VOLTE TAL MONT? Il destin de Bosgne, tiere di eresiis e di invasions che e somee al Friûl

Regjon di grande bielece e cuntune storie di civiltât maraveose e apassionante, par secui e à rapresentât un puint fra Orient e Ocident e no dome dal pont di viste comerciâl – che di li a passavin ducj i trois che a colegavin sul bast des caravanis Bizanzi cun Rome e cun Praghe – ma [...]

LA CUINTRISTORIE DE OCUPAZION VENEZIANE - CE CHE O VIN PIERDÛT. La “vuere juste” dai Venezians tal manuscrit segret di Voleson di Manià

In ogni teoreme di politiche internazionâl, te ete di vuê come ai timps di Pericle l’ateniês, cetant prime di discjadenâ une vuere si met in vore la “inteligjence”, cemût che si use a dî fevelant di strategjie gjeopolitiche globâl. Che Vignesie e podès pensâ di sdrumâ intun bot une realtât cussì grande e potente tant [...]

LA CUINTRISTORIE DE OCUPAZION VENEZIANE. CE SUCEDEVIAL IN CHÊ VOLTE TAL MONT? L’Imperi dai Turcs al rive in Europe, messedant violence e maravee

Inte storiografie taliane, il profîl de civiltât turche al ven dispès ridusût a cualchi linie aprossimade e svelte. Gjeneralmentri a vegnin piturâts tant che barbars crudêi piâts de sêt pal sanc dai bogns e brâfs cristians, fanatics dal lôr diu, Allah, e miscliçâts intune meste là che lis informazions storichis si smamissin e al reste [...]

LA CUINTRISTORIE DE OCUPAZION VENEZIANE - CE CHE O VIN PIERDÛT. La agression militâr di Vignesie a une realtât che e faseve gole pal cumierç e pai leams cu la Europe

Fin chi o vin cirût di meti a fûc il dam grandonon che i è stât fat al popul furlan cu la robarie di chel patrimoni sociâl, culturâl e identitari che Vignesie nus à puartât vie. Une sioretât di miârs di agns gafade cun grande arogance e spirt di supremazie di chê “aristocrazie comerciâl” di [...]