par un Friûl plui furlan
La patrie dal Friul

Archive for the ‘LUNARI’


NO SON PERAULIS PAR VECJOS. Brunch

Mandi, nono!
Mandi, frute! Dulà vâstu?
Scusimi, nono, o soi di presse.
O ai di lâ a mangjâ cun dôs amiis.
Bielzà? A son undis di matine! Nancje lis gjalinis a gustin cussì adore! Cence ofese, eh.
Ma no: no lin propite a gustâ.
Al è un brunch.
Il granç? Bon lui! Ancje se mi plasin plui lis masanetis. Però, che tu [...]

IL PERSONAÇ STORIC. Lea D’Orlandi

Lea D’Orlandi, (Udin 1890 – Udin 1965), laureade inte Universitât di Bologne tal 1915, si è ocupade di teatri e di etnografie, si che e je une des plui impuartantis studiosis che a àn metût dongje materiâl par studiâ lis lidrîs de culture dal nestri popul furlan. Impuartantone la sô colezion di proverbis, ma ancje [...]

I SANTS DAL MÊS. Sant Cromazi

Ai 2 di Dicembar
Sant Cromazi, vescul
Memorie
Cromazi, sucessôr di Valerian su la sente episcopâl di Aquilee (387/388), al à guviernade chê Glesie fin al an 407/408. Al è autôr di Sermons e dai Comentaris al Vanzeli di Mateu, oparis dutis che a testemonein in maniere splendide de vivarositât de fede de prime Glesie aquileiese. Difensôr de [...]

ORT FURLAN

LIS VORIS…
Sul vieri di lune
• Si sblancjin lis ortaiis che ur covente, i lidrics in particolâr.
• Si lavorin lis jechis libaris, se il teren nol è glaçât.
• Si procêt ae sfuarçadure de cicorie belghe, dal lidric ros e dal Rose di Gurize.
Sul zovin di lune
• Si racuein lis vermenis des plantis oficinâls.
Te cantine:
tes zornadis soregladis e [...]

IMPRESCJ

GUSELE
Par mendâ i cjalçuts
PONTAPET
Par tignî dongje alc
VIGNARÛL
Par no sbusâsi il dêt

PROVERBIS

Dicembar al è blanc di nêf, e si lu viôt ancje tes detulis.
Nêf di Dicembar, Invier lunc.
Dicembar scûr, anade buine.
Dicembar neveât, racolt sigurât.
Se al plûf Dicembar e Zenâr, strenç i braçs piorâr.
Dicembar scûr, an gnûf seren.

RICETE. Weinachtenstollen (pan dolç di Nadâl ae todescje)

Timp pe preparazion: 1 ore, plui une altre ore tal for
Ingredients par cuatri personis
700 gr di farine Manitoba, 1 sedonute di mîl, 1 dadut di levan di bire, 150 gr di ue calabrie, 150 gr di scusse di naranç candide, 100 ml di rum, 2 ûfs, 250 ml di lat, 100 gr di mandulis brustuladis [...]

LA POESIE. NEDÂL (1959)

A è la not di vea.
Il cîl, dal dì a la sera
a si è fat neri font.
Si sint difûr la buera
ch’a sofla jù da mont.
Doman, cui sa, al nevea.
I vin finît di cena
da tant. Nissun ‘l à sum.
Nissun al dîs peraula.
La buera a môf il lum
ch’al brusa su la taula.
Mê mari a è li ch’a [...]

SIMPRI BOGNS. Adriano Nascimbeni, Il secuestri di Catine, Pasian di Prât, 2015

«Nissun al varès imagjinât che, in chel piçul paîs de Basse furlane, che o clamarin cul non di fantasie di Borlaç, al podès sucedi il rapiment di une fantate di disesiet agns.
Dut câs la int, dopo che chel brut fat al jere avignût, e diseve che alì la sole persone che si podeve pensâ di [...]

NO SON PERAULIS PAR VECJOS. Gender

_Mandi nono!
Mandi, frute! Ce âstu li?
_O ai comprât un zûc pal piçul.
Brave frute! Fâlu zuiâ tant, il gno nevodut. Ce i âstu cjolt?
_Une cusinute. I plâs tant viodimi a fâ di mangjâ.
Une cusinute? Nol è mighe une femine! Parcè no i âstu cjolt il bancut di mecanic?
_Su po, nono, no esistin zûcs di mascjo e [...]

IL PERSONAÇ STORIC. Nicolau di Manià /

Nicolau di Manià (1423 – 1485), architet, matematic e inzegnîr, al progjete un sisteme di canâi che a puartaran la aghe dal Celine fin dentri le vile di Davian, colegantsi cul Nunciel par traspuartâ lens fin dentri le citât di Pordenon. Al pensarà ancje a le realizazion di mulins e di fariis, che a saran [...]

SANTS DAL MÊS. Sant Crisogun

Ai 24 di Novembar
Sant Crisogun, vescul e martar
Memorie
Crisogun al è ricuardât tant che martar intal Martirologji jeronimian e tant che vescul inte liste dai vescui di Aquilee. La passion di sante Anastasie (secul V) e riferìs che Crisogun, par ordin di Dioclezian, al è stât menât «ad Aquas Gradatas» e li decapitât. Cun dute probabilitât [...]